amalinks wokungena

Breaking News

Abesifazana Bathakazelela Uhlelo Lokuhlolwa Imvukuzane Yomlomo Wesibeletho


UGogo uMurandu, ohlala eMazowe oleminyaka yokuzalwa engamatshumi ayisithupha lasithupha (66 ), ngomunye wabathakazelele lindlela yokuhlolwa, esithi lokhu sekungokwesibili ehlolwa imvukuzane yomlomo wesibeletho.

Abesifazane bamukela ngenjabulo umkhankaso wenhlanganiso yomanyano wamazwe womhlaba wonke jikelele eyeWorld Health Organisation, owokuhlola imvukuzane yomlomo wesibeletho, ngokuqala ngokuzihlola, okubizwa ngezilungu ngokuthi yi-self sampling.

Lokhu kuvele ngesikhathi kuqhutshwa uhlelo lokuhlola abesifazane kudingwa ukuthi selikhona yini lelogciwane elibangela imvukuzane yesibeletho eleHuman Papillomavirus umuntu ezenzela yena ngokwakhe i-self sampling cancer screening ehlelweni lwensuku ezintathu oluqhutshwe nguhulumende esebenzisana labe Population Service International Zimbabwe, National Aids Council, abenkampani yakweleGermeny yeQIAGEN, abeDiagnostic Laboratories kanye labe Zimbabwe Ladies Golf Union, obelusenzelwa e Harare Royal Golf Club.

Omunye wabomama asesebatsha abangazake behlolwe imvukuzane yomlomo wesibeletho, uNkosazana Nozipho Ncube oleminyaka engamatshumi amathathu lantathu ( 33 ) njalo eyisakhamuzi seHarare, uthi obone kufanele ukuthi ahlolwe esebenzisa lindlela ye self sampling.

Kulenhlanganiso ezinengi ezikuhlelo lolu.
Kulenhlanganiso ezinengi ezikuhlelo lolu.

“Ngake ngaba lobabakazi owake waba lesifo semvukuzane. Sengibone ukuthi ngihlolwe khathesi kuseseduze ngoba eyakhe wayihlolwa isikuzinga eliphezulu kakhulu. So, kwakungasela ababengamenzela khona ukuthi bemelaphe. So, ngasengisithi kungcono ngihambe ngiyekhangelwa ngisenzela ukuba nxa bengenelisa ukuyibona ibe ikuzinga eliphansi, isasalapheka.”

UGogo uMurandu, ohlala eMazowe oleminyaka yokuzalwa engamatshumi ayisithupha lasithupha (66 ), ngomunye wabathakazelele lindlela yokuhlolwa, esithi lokhu sekungokwesibili ehlolwa imvukuzane yomlomo wesibeletho.

“Umuntu kumele ahlale ehlolwa. Iyelapheka Uma uthe waphanga watholakala ukuba isikhona leyomvukuzane. Ukuzivikela bathi kuqakatheke kakhulu kulokwelatshwa, yikho engihlezi ngikukhuthaza abantu ukuba makwenziwe isikhathi sisasekhona, sibe ngabazi isimo sethu sikhathi sonke.”

Bekugcwele abantu lapho obekuhlolwa khona isifo semvukuzane yomlomo wesibeletho.
Bekugcwele abantu lapho obekuhlolwa khona isifo semvukuzane yomlomo wesibeletho.

UNkosazana Lisa Mahlupheka, owenkampani yeDignostic Laboratory Supliers njalo engummeli wenkampani yakwele Germany i-QIAGEN eZimbabwe okuyiyo etholisa impahla yama-Cervical Cancer Care HPV Test esetshinzwa ngabesifazana phansi kwaloluhlelo, uthi asebekunanzelele yikuba bayithakazelela kakhulu lindlela yokuhlolwa.

“So, thina sithi iWHO, iWorld Health Organisation yona ithi for i-primary screening, for iCervical Cancer kumele sithesithe i-virus yankhona, ezakwenza kube lemvukuzane. But amanye ama-Tests lawa, sesithestha for ama-pre-cancerous cells kumbe ama-cancerous cells and for abanye abantu, it would be too late.”

UNkosikazi Margaret Vera, umkhokheli wenhlanganiso ebona ngezomdlalo wegalufu kuhlangothi lwabesifazane, iZimbabwe Ladies Golf Union, uthi kuyajabulisa ukuba sebezwisisa ukuqakatheka kwempilakahle yabo kanye lokuhlolwa imikhuhlane etshiyeneyo abesifazane eZimbabwe.

“Engingakutsho yikuba kumele sibe ngabathathela phezulu, sibe ngabantu abathatha izinqumo, ukuyahlolwa, kube yingxenye yempilo yami yansuku zonke. Singaze salinda kuze kube kubi, sesibona izibonelo zakhona, sesiqala ukuzibuza ukuthi kambe sekukhona na osekonakele. Usizo lukhona, kasithatheni leso sinqumo, umuntu athathe inyathelo lokuthi ayehlolwa.”

AbeCancer Association in Zimbabwe bathi ugwalo lweCancer Registry elizweni luveza ukuba imvukuzane yomlomo wesibeletho i-Cervical Cancer, yiyo ebulala abantu besifazana abanengi kwele Zimbabwe.

Facebook Forum

XS
SM
MD
LG