amalinks wokungena

Breaking News

Izigulane Sekumele Zizithengele Umuthi OweAnesthesia:UBH


Doctors without Borders

lzigulane ebezimelele ukuthi zihlinzwe esibhedlela seUnited Bulawayo Hospitals, esikoBulawayo zaziswe ukuba sekuzamele zizithengele imithi yokulaliswa lapho sisiyahlinzwa.

Bulawayo...............

Sokuqhamuke udubo lokusilela kwemithi yokulalisa izigulane lapho zihlinzwa esibhedlela seUnited Bulawayo Hospitals iUBH owe anesthesia.

Lokhu kuvele encwadini elotshwe ngesinye seziphathamandla zalesisibhedlela uDokotela Trust Mushawarima ethi abafuna ukuhlinzwa sekumele bazithengele ijekiseni lokulalisa ngoba selisilela esibhedlela lesi.

lzigulane ebezimelele ukuthi zihlinzwe esibhedlela seUnited Bulawayo Hospitals, esikoBulawayo zaziswe ukuba sekuzamele zizithengele imithi yokulaliswa lapho sisiyahlinzwa.

Omele abongi e United Bulawayo Hospitals abaphansi kwenhlanganiso eyeZimbabwe Nurses Association uMnu Anthony Majongosi uthi sebezasebenza nzima kulandela lesisinqumo.

“Sesiyamukele incwadi esuka kuziphathandla zeUBH echaza ukuba zonke izigulane ezilanda ukuzohlinzwa zizithengele amajekiseni. Lokhu kuyasikhathaza njengabongi ngoba kuzakwenza kubenzima ukusebenza njalo uhulumende aekumele alulungisise loludubo.”

Umgcinisihlalo wezempilalahle edale lephalamende uDokotela Ruth Labode uthi uhulumende kumele athathe amanyathelo okuncedisa esibhedlela lesi.

“Kusemthethweni okwenziwe yiziphathandla seUBH ukuba uma sekukhona okusilelayo kugcinelwe izigulane ezidinga usizo ngokuphuthuma kodwa angilaqiniso ukuthi okubikwa kusilela kungabe kubangelwa yini kodwa uhulumende kumele atholise izigulane imithi eyeneleyo”

Umsekeli kamphathintambo wezempilakahle u Dokotela John Mangwiro ephendula imibuzo mayelana lokusilela kwemithi, amaphilisi lamajekiseni esibhedlela seUBH uthi lokhu kungamanga akusiqiniso okulotshwe yisiphathamandla seUBH.

Inengi likhathazekile ngokusilela kwemithi esibhedlela seUnited Bulawayo Hospital ngoba sinakekela izigulane ezisezigabeni zonke zeMatabeleland, eNkabazwe lakoBulawayo.

Omama abazithweleyo bathi sekulesikhathi eside bezithengela imithi lempahla yokuncedisa bebeletha njalo osekuseUBH akuqali kuke kwabakhona njalo ngomnyaka ka2008 lapho izigulane besezizithengela imithi ezibhedlela ezweni jikelele.

Facebook Forum

XS
SM
MD
LG