amalinks wokungena

Breaking News

INobuhle Virgie Foundation Inceda Abantu Abanengi Abahluphekileyo eSouth Africa


UNkosazana Nobuhle Virgie Ajiti loNkosazana Ntando Khumalo, osanda kuncedwa yinhlanganiso yeNobuhle Virgie Foundation kwele South Africa. UMaKhumalo usebuyele eZimbabwe.

Kuhlelo lwabadabuka eZimbabwe abahlala kwamanye amazwe, ngoLwesithathu sixoxe loNkosazana Nobuhle Virgie Ajiti, umqondisi wenhlanganiso yeNobuhle Virgie Foundation, enceda abantu abahlukumezekileyo kwele South Africa.

UNkosazana Ntando Khumalo ususwe emigwaqweni yiNobuhle Virgie Ajiti Foundation.
UNkosazana Ntando Khumalo ususwe emigwaqweni yiNobuhle Virgie Ajiti Foundation.

UNkosazana Ajiti uthi lonyaka bahambise ekhaya abantu abahluphekayo eGoli abangamatshumi amahlanu lasithupha – 56.

Basanda kuhlenga uNkosazana Ntando Khumalo, owayehlala emigwaqweni eJohannesburg.

Kubikwa ukuba uMaKhumalo usefikile koBulawayo.

UAjiti uthi abantu abanje bancedwa ukugada amabhasi, ukuthenga impahla njalo lokuqala impilo kutsha eZimbabwe.

Abanye abantu abancedwe yinhlanganiso yeNobuhle Virgie Foundation kwele South Africa.
Abanye abantu abancedwe yinhlanganiso yeNobuhle Virgie Foundation kwele South Africa.

Ngesikhathi lisidla ubhedu igciwane leCOVID-19 kusukela ngomnyaka ka2020, inhlanganiso le yanceda abantu abafika inkulungwane ezingamatshumi amabili – 20,000 ngokubanika ukudla lokunye ababekuswela.

Iqhubekela phambili ihlenga abantu abakhahlanyezwa ngabahlala labo, abanjengabesifazana.

Facebook Forum

XS
SM
MD
LG