UMongameli Biden Uthi Lanxa Ebanjwe Umkhuhlane weCovid-19, Kaguli Njalo Uzizwa Eqinile

WASHINGTON DC - UMongameli weMelika uMnu Joe Biden uthi abantu belizwe lakhe akumelanga bamesabele ngemva kokubanjwa ngumkhuhlane weCovid-19.

Kumbiko awethule enkundleni yeTwitter izolo, uBiden uthe ulempawu zalumkhuhlane ezingatsho lutho njalo uthe uzizwa esesimeni esihle.

Ngakho, uBiden uthe akumelanga abantu bazihluphe kakhulu ngoba uzasila nanku phela wahlatshwa amajekiseni e-coronavirus aze aba mane. Isigodlo sakhe sithi uzaqhubeka esemsebenzini njalo enatha umuthi.

Ukubanjwa kwakhe iCovid-19 kuza ngesikhathi umkhuhlane lo usumemetheka ngamandla eMelika lasemazweni amanengi emhlabeni jikelele.

Isizalwane seZimbabwe esihlala eMelika uMnu Tim Muringai utshele iStudio 7 ukuthi ukumemetheka kwalumkhuhlane kuveza sobala ukuthi kusalesidingo sokuthi abantu bazivikele ngokugcweleyo.

Embed share

Ingxoxo loMnu Tim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:48 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala