amalinks wokungena

Breaking News

Izisebenzi Zikahulumende Zithi Zizakhalala Umsebenzi Ngeviki Ezayo Zikhonona Ngeholo Eliphansi


FILE - Amapholisa avimbe inhlanganiso eyeCrisis in Zimbabwe Coalition ukuba amalunga ayo afole emigwaqweni. Amapholisa athwalise nzima abongi kumaviki aphelileyo abatshengisele emigwaqweni bekhonona ngeholo eliphansi.

Abakunhlanganiso eyezisebenzi zikahulumende eyeZimbabwe Confederation of Public Sector Trade Unions bathi bazakhalala umsebenzi okwensuku ezimbili ngeviki ezayo bekhonona ngeholo eliphansi.

Abakunhlanganiso le bathi bazakhalala umsebenzi okwensuku ezinengi kulandela abazakwenza ngeviki ezayo nxa uhulumende engalungisanga iholo labo ngemfanelo.

Bathi bafuna ukuhola indola leMelika hatshi idola leZimbabwe eselingumquba.

Bafisa ukuba uhulumende abaholise imali ababeyithola ngomnyaka ka2018.

Bathi akuncedi lutho ukuba behole idola leZimbabwe ngoba seligugudeke okumangalisayo.

Asenelisanga ukukhuluma ngodaba lolu loMnu. Jonathan Wutawunashe, umabhalane omkhulu owePublic Service Commission.

Kusenjalo, lukhwezwa enthethwandaba udaba lwenhlaganiso yeCrisis in Zimbabwe Coalition eyalelwe ukuba amalunga ayo afole emigwaqweni ekhonona ngeholo eliphansi lokwephulwa kwelungelo loluntu.

Abenhlanganiso le bakhweze udaba lwabo lwesiphangiphangi emthethwandaba weHigh Court bephikisa isinqumo samapholisa sokubalela ukufola emigwaqweni.

Umgcinisihlalo weCrisis in Zimbabwe Coalition, uMnu. Peter Mutasa, uthi bazalungisa okufiswa ngumthethwandaba ukuze befole emigwaqweni.

Facebook Forum

XS
SM
MD
LG