Ingcwethi zithi ukunqoba kukhetho lwama by elections okwenziwe libandla le Citizens Coalition for Change kuzakwenza ukuthi lelibandla lingazihluphi ngokubumba ingatsha zalo.
Lelibandla linqobe kukhetho luka ward 16 eChipinge laku Ward Five eKariba.
Umkhokheli we CCC uMnu. Nelson Chamisa utshayele ihlombe amalunga ebandla lakhe anqobileyo esithi benze lokhu bengela ngitsho ugwaliba olulodwa lemali yokukhankasa.
Lokhu kwenzakala kulokuphikisana ukuthi lelibandla libumbe ingatsha, ama structures, elawadiliza phambilini kokulahla ibizo elithi MDC Alliance.
Abanye bathi ukungabi lengatsha kuzabangela ukuthi linqotshwe kukhetho.
Kodwa abanye abacubungula ezombusazawe abafana loMnu. Rejoice Ngwenya, bathi ingatsha azincedi ngalutho.
Sixoxe locungubungula ezombusazwe, uMnu. Greater Vodloza Sibanda ukuze sizwe imbono yakhe ngaloludaba.
