Washington DC.....
Ibandla eliphikisayo eleCitizens for Coalition Change, CCC lazise ukuba, selethule uphawu olutsha lwebandla leli, oluzasentshenziswa encwadini ezibhalwalayo yonke imbhalo yebandla.
Umsekeli wesikhulumeli seCCC, uMnu. Ostalos Siziba utshele iStudio 7 ukuthi ibandla lakhe lizaqhubekela phambili lisebenzisa ubuso bukaChamisa ekukhankaseni kwabo bedinga usekelo kukhetho lomnyaka ozayo oka 2023. Lokhu bathi bakwenzela ukuphathisa uzulu ukuba angaphambaniseki engqondweni esezibuza ukuthi avotele liphi ibandla, lapho esevota.
“Nxa sisisiya kumaelections, njengoba sizahamba ke, ku by-election khathesi, eGokwe-Kabuyuni, sizabesisebenzisa ke, ielection symbol, ngoba yiwo vele umthetho esiwusebenzisayo, ukubana kufanele kube lelogo lenhlanganiso, kube lesymbol esetshenziswayo for the purposes of the election. Yonaleyo iyabe ilefesi (ubuso) yepresidential candidate esilayo okwamanje ngu Advocate Nelson Chamisa.” kutsho uSiziba
Uqhubeke uSiziba ethi ukuhlolwa kweVoters Roll sokuphelile.
“Ye, sesiqedile uhlelo lwe voters roll inspection, besikhuthaza abantu ukuthi basebenzise u*265#, njalo futhi ukuthi abantu behambe ke kuma center akade evuliwe. Sibona kakhulu ukuthi abantu abanye abahambanga ukuya inspector ngenxayokubana kulenhlupho eZimbabwe ngendaba yeZEC okufanelwe ilungiswe ukubana ithenjwe ngabantu.”
UMnu. Siziba ucine ngokukhuthaza uzulu weZimbabwe ukuthi aqhubekele phambili ebhalisela ukuvota ngobunengi, ukwenzela ukuthi banelise ukuvota kukhetho oluzayo oluka 2023.