amalinks wokungena

Breaking News

Ezinye Izisebenzi Zihambe Emsebenzini Ngesikhathi Abanye Bezihlalele Ezindlini Bekhonona Ngeholo Eliphansi


Ababalisi esikolo seEveline High School koBulawayo bebesebenzi ngoLwesithathu. (VOA)

KoBulawayo lakwamanye amadolobho amancane elizweni jikelele, izisebenzi ezinengi zibikwa zihambile emsebenzi.

Ababalisi, abezempilakahle abagoqela abongi labodokotela kanye lezinye izisebenzi zikahulumende ezitshiyeneyo bahambile emsebenzini ngobunengi koBulawayo njengenhlalayenza njalo bekungakhanyi ukuthi kulokukhalala umsebenzi okuqoqiweyo.

IStudio 7 yethekelele endaweni ezifana leMatabeleland Government Complex duzane lakoMsitheli, eNational University of Science and Technology Library, eZimbabwe Revenue Authority, emithethwandaba lasezikolo ezifana leMasuku Primary, iMaphisa Primary leEveline High School, lapho esithole khona izisebenzi zikahulumende zizisebenzela kuhle. Kodwa zalile ukukhuluma lalumsakazo.

Isikhulumeli senhlanganiso emela ababalisi bemaphandleni eyeAmalgamated Rural Teachers Union of Zimbabwe, uMnu. Thembakuye Moyo, uthi imali abayihola okwamanje ayisathengi lutho ngenxa yokugududeka kwesisindo sedola leZimbabwe.

Ababalisi bathi bafuna ukuholiswa ngedola leMelika njalo bathi kumele baphiwe iUS$540 ngenyanga. UMoyo uthi uhulumende engaqhubeka eqinise ikhanda, abasoze babuyele emsebenzini nge-term ezayo.

Ilunga ledale lephalamende koBulawayo uNkosikazi Jasmine Toffa uthi lanxa nje abanengi behambile emsebenzini, izisebenzi zilelungelo lokukhalala umsebenzi ngokuthula.

Unobhala wezemfundo kunhlanganiso yeBulawayo Progressive Residents Association, uMnu. Ben Moyo, uthi uhulumende kumele aphathe izisebenzi zakhe kuhle njalo aziholise imali eziyifunayo ukuze zenelisa ukunakekela imindeni yazo.

Umzali uNkosikazi Nesisa Nyathi laye ukufakazile ukuthi abanengi bahambile emsebenzini nanku uthi abantwabakhe bayile esikolo bayaloba imihloliso.

“Sehlulekile ukukhuluma lomphathintambo obona ngendaba zezisebenzi zikahulumende uMnu. Paul Mavhima ngaloludaba. Kodwa uhulumende uthi uzimisele ukulungisisa izikhalazo zezisebenzi zakhe lanxa nje esithi akalamali.

Uhlelo lokukhalala umsebenzi lolu ngolwensuku ezimbili; ngakho lukhangelelwe ukuqhubeka kusasa.

Facebook Forum

XS
SM
MD
LG