amalinks wokungena

Breaking News

Ikhomishini Yamalungelo Ithi Isiphenya Udaba loweZanu PF Othe uChamisa Kumele Abulawe


Zimbabwe’s main opposition, the Citizens’ Coalition for Change, Nelson Chamisa, addressing his supporters after police blocked the rally in Marondera district, March 12 2022. (Columbus Mavhunga/VOA)

WASHINGTON DC - Ikhomishini ebona ngokulondolozwa kwamalungelo oluntu, iZimbabwe Human Rights Commission, ithi isiphenya udaba lokutshotshozela ukubulawa komkhokheli weCCC uMnu Nelson Chamisa lilunga leZanu PF uMnu Abton Mashayanyika.

Lokhu kuvele kuncwadi ethunyelwe igqwetha likaChamisa, uNkosikazi Beatrice Mtetwa, yilikhomishini ngoLwesine. NgoLwesithathu amapholisa lawo aveze ukuthi asephenya loludaba ngemva kokumangalelwa kukaMashayanyika nguMtetwa emela uChamisa lebandla lakhe.

UMashayanyika uphume ku-video kunsukwana ezedluleyo esethula amazwi akhanya ekhuthaza ukubulawa kukaChamisa labasekeli bakhe.

Lanxa ubufakazi bali-video bebusegcekeni esikhathini sonke lesi, amapholisa alokhe engakambophi uMashayanyika, kanti lokuphenya loludaba aze akwenza sokumangale uMtetwa.

I-CCC ithi lokhu kukhomba sobala ukungaqhutshwa kuhle komthetho nanku amalunga ayo alitshimi lane, 14, agoqela abameli ephalemende, uMnu Job Sikhala loMnu Godfrey Sithole, belokhe bevalelwe esitokisini ngemva kokwetheswa icala lokutshotshozela udlakela.

Ukuhlaziya loludaba sixoxe lesiphathamandla sebandla leCCC eMelika, uMnu Tim Muringayi, endawonye lelunga leZanu PF, uMnu Believe Gaule, onguye osungula lingxoxo.

please wait

No media source currently available

0:00 0:05:26 0:00

Facebook Forum

XS
SM
MD
LG