amalinks wokungena

Breaking News

Iziphathamandla Zikahulumende Zithi Zizakwenza Umhlangano Omkhulu Lezisebenzi NgoMvulo


UMnu. Paul Mavhima

UMnu. Paul Mavhima, ophethe uhlangothi lukahulumende olubona ngesisebenzi, uthi uzakwenza umhlangano omkhulu ngoMvulo eHarare lesizebenzi lapho abazakhulumisana khona ngezikhalazo zabo.

UMavhima uthi uhulumende ufisa ukuba bekhulumisana kahle ngeholo lokunye okubahluphayo, okugoqela iholo eliphansi.

“Injongo yomhlangano lo yikuthi sihlangane lezisebenzi zikahulumende ezinjengababalisi labanye ukwenzela ukuba sizwanane ngababhekane lakho njalo lokuthi singakwenzani ngakho ngesikhathi umnotho welizwe ugugudeka. Ngibona engani singenza umhlangano lo sizadonsa ndawonye. Uhulumende ulakho ukulungisa lokhu ababhekane lakho ngendlela ayenelisa ngayo. Sizama ukuba sonke sidlelane kahle.

“Sizahlaziya lokugugudeka komnotho ukuze sibone ukuthi imali yethu ingasetshenziwa ukubhadala iholo lezisebenzi okwesikhathi eside kungaguqulwanga indlela abahlawulwa ngayo. Sizasebenzisa imbuthano yonke yezisebenzi labaqhatshi ukuze silungise okuhlupha izisebenzi.”

UMnu. Never Nyawunzwi, okunhlanganiso yababalisi eyeProgressive Teachers’ Union of Zimbabwe, uthi akusoze kuphume okubambekayo emhlanganweni lo.

UMnu. Ambrose Sibindi, okunhlanganiso yezisebenzi eyeZimbabwe Congress of Trade Unions.

Facebook Forum

XS
SM
MD
LG