Omela isigaba se Norton edale lephalamende, uMnu. Temba Mliswa wethule athi yibufakazi bokuthi ayethandana laye, uNkosazana Susan Mutami uqambela uMongameli Emmerson Mnangagwa ukuthi wamdlwengula.
Ekhuluma enkundleni yokuxhumana eye Twitter ephejeni lenhlanganiso ye Zimeye, uMliswa uthe uMutami waqamba amanga ukuthi wathathelwa ubuntombi ngowayethandana laye, owayengumphathimbo wezobudlelwano lamanye amazwe, uMnu. Sibusiso Moyo kodwa esithi ngumnangagwa wayesemdlengulile ngesikhathi ethandana loMoyo.
UMliswa uveze lapho okwalotshwa ngumutami kutwitter esithi uMoyo nguye owamsusa ubuntombi.
UMliswa uthi ngalokho kumele konke akukhulumayo kukhangelwe kabili ngoba kungelaqiniso.
UMutami uthi wadlengulwa nguMnangagwa ngesikhathi eleminyaka elitshumi lanhlanu wasethandana loMoyo ngemva kweminyaka emihlanu. Amapholisa akwele australia abikwa ecwayisisa loludaba.