amalinks wokungena

Breaking News

Abakumsebenzi Wokulibazisa Uzulu Bathi Balahlekelwe Kakhulu Ngemfa kaConti Mhlanga


Continueloving Mhlanga aka Conti Mhlanga

Iyezi elimnyama lehlele uBulawayo leZimbabwe jikelele lapho kuzwakala ukuthi uContinueloving Mhlanga obedume ngegama lokuthi Conti, usetshonile.

Bulawayo...............

Umlobi omkhulu wezingwalo zesiNdebele obengumqeqeshi wezemidlalo yokulungisa lamasiko njalo engumqondiso we Amakhosi Theatre Productions ubhubhe NgoMvulo ekuseni esibhedlela esizimeleyo koBulawayo lapho abelaliswe khona ngumkhuhlane ongaqanjwanga.

Iyezi elimnyama lehlele isigodlo sezigaba zonke zeMandebele esako Bulawayo leZimbabwe jikelele lapho kuzwakala ukuthi uContinueloving Mhlanga obesazakala ngokuthi nguMalume Cont akasekho.

Lokhu kubikwe luhlangothi lwezemidlalo lamasiko iNational Arts Council of Zimbabwe.

Umqondisi waloluhlangothi, UMnu Nicholas Moyo nguye obike ngalimfa "UCont okwamalanga angu 10 adlulileyo ubegula. Azame amadokotela bekungani ubengcono nje engani uya recover amalanga angu 3 kusukela ngo Mgqibelo ngani kuyambamba kanjalo. Kulusizi namhlanje ukuthi uCont ekuseni wadlula. Sizwa silokwesaba kakhulu ngoba industry yethu yama arts isilahlekelwe, hayi isikhala sikhulu kakhulu."

UMoyo uyaphambili elandisa imbali kamuyi "uCont uqalise ngo 1982 into zama arts watransformer yatshintsha yaba yi Amakhosi professional ngo 1988 lanamhlanje ngumuntu ade sengene ekuphakamiseni ezama arts nge ngamaradio lama TV. Sizwa sisindwa amadolo anzima ngoba ayaxega."

Umculi olodumo uBusi Ncube owayecula leqembu le Ilanga uthi wasebenza lomuyi beqala ukuvula iMakhosi Theatre Centre, "IMakhosi Theatre siyivule ndawonye. Ngahlanyela ishlahla somnyi esasimelele ama musicians wonke eZimbabwe, ngacina ngitshaya futhi amashows amanengi. Ubungisekela Cont lanamhlanje ulokhe ungisekela. Siyabonga ngomsebenzi owenzileyo lala ngokuthula qhawe lethu."

Imbongi enkulu uAlbert Nyathi uhlulukelwe okwamagama, "Bakithi silahlekelwe silahlekelwe kakhulu. Ilanga elibi lilanga lamhlanje ukuthi silahlekelwe ngukhulu, abanye bebembiza bethi ngukhulu, abanye bethi ngumalume uCont uMhlanga kunzima kuyasinda and silahlakelwe mina ngikhatshana kangaka bengifisa ukuthi ngabe ngiseduze,kalale ngokuthula umfo ka Mdladla Continueloving."

UCont ubedume kakhulu ngokuloba imidlalo kamabonakude, omunye umlobi omkhulu wezingwalo uMnu Dumisani Gumpo ubesazana kakhulu lomuyi. "Iarts ibisaziwa ngaye. Thina saqalisa phose iskhathi sinye ngo 1982 sihlangana eUnited College of Education silabo Mbongeni Ngema labo Percy Mthwalo sisenza i Theatre Techinics and amaskills, so siwa developer sindawonye yena wasesiba le concentration ngaphi ku Political Theater. Yiyo vele ayipushe okwesikhathi eside. Uyazi ngizwa ngitshaywa luvalo lakhathesi amadolo ayaxega."

Umculi osakhulayo uNkwali uthi wafunda okunengi kuMhlanga. "Ubaba uCont ubengumuntu nje okade efundisa ezama arts ngisakhula mina. Ama artist amanengi engiwaziyo bakhulela eMakhosi, babekhuluma nhe ukuthi ubengumuntu olesandla esihle kuma arts. So ngithi hayi kalale ngokuthula, siyayibonga imisebenzi yakhe yonke."

IStudio 7 ayenesalanga ukukhuluma lemuli kaMhlanga ngoba bathi badabuke ke kakhulu ngokufa kwakhe bathi konke ngomuyi sibuze I national arts Council. Akukukaziwa ukuthi umuyi uzabekwe nini njalo ngaphi.

Facebook Forum

XS
SM
MD
LG