amalinks wokungena

Breaking News

Asenyamalele Amanye Amaphepha eHigh Court Kudaba Olwaphanyekwa Ngofisa Ukuba uMnangagwa Asuswe Esikhundleni


UMnu. Sybeth Musengezi, waphanyeka emthethwandaba udaba lokuthi uMongameli Emmerson Mnangagwa kumele asuswe ukuba ngumkhokheli webandla leZanu PF.

UMnu. Sybeth Msengezi, ozama ukuba kususwe uMongameli Emmerson Mnangagwa esikhundleni somkhokheli webandla leZanu PF, uthi kulamaphepha angasebonakali emthethwandaba weHigh Court eHarare amayelana lodaba lolu.

UMusengezi uselobele incwadi ejulileyo igqwetha lakhe, uMnu. Nqobani Sithole, embikela ukuba kulamaphepha amanengi angabonakaliyo eHigh Court.

Uthi usehambe emawofisini ambalwa edinga amaphepha la kodwa kawatholakala.

UMusengezi uthi amanye amaphepha angatholakaliyo yilawo afakwa nguMnu. Goodson Nguni, osekela uMnangagwa.

UMusengezi uthi uMnangagwa wangena esikhundleni esiphezulu kubandla leli ngendlela engaqondanga ngoba waxotshisa owayengumongameli, umuyi uRobert Mugabe, ngendlela engakho emthethweni ngonyaka ka2017.

USithole utshele iStudio 7 ukuthi sebehlolisisa udaba lolu ngoba kuyamangalisa ukunyamalala kwamaphepha edale leHigh Court.

Asenelisanga ukukhuluma loNguni ngodaba lolu ngenxa yokuthi ubengaphenuli umakhalekhukhwini.

Facebook Forum

XS
SM
MD
LG