Kusasa kunazwa usuku lwamaqhawe olweHeroes Day kulezizalwane zeZimbabwe ezithi okunengi okubi okwenzakala eZimbabwe ayisikho abakulwela ngesikhathi sempi yenkululeko.
Bathi ukwephulwa kwelungelo loluntu kusukela ngesikhathi ilizwe lithola uzibuse kuze kube namhlanje, ukuhlupheka kukazulu lokunye kwephula inhliziyo ngoba abansundu balwela uzibuse okumele abalethela impilo engcono.
UMnu. Patrick Dube, owayekubutho leZIPRA, uthi kubuhlungu okwenzakala eZimbabwe.
UDube uthi usuku lweHeroes Day alusatsho lutho kuye.
UMnu. Isaac Mabuka, okubandla leZapu, uthi okwenza abantu bengananzi usuku lolu yikuthi ibandla elibusayo lifuna kukhanye engani yilo lodwa elalwa impi yenkululeko.
UMabuka uthi abalwa impi yenkululeko bathwele nzima.
UMnu. Msongelwa Ndlovu, isikhulumeli sebandla leZapu, uthi abalwa impi yenkululeko baphethwe kubi eZimbabwe.
Ibandla elibusayo lithi luqakatheke kakhulu usuku lweHeroes Day. UMnu. Elifasi Mashaba, ilunga lebandla leZanu PF, uthi
Kukhangelelwe ukuba kuzakwenziwa imicimbi yokunanza usuku lolu kusasa elizweni lonke jikelele.