amalinks wokungena

Breaking News

UChamisa Uthi Engangena Embusweni Uzakhwezela Amabutho Iholo


Zimbabwe Political Turmoil

UChamisa utsho lokhu embikweni awethule ekunanzeni ilanga lokuqakathekisa umsebenzi wabakubutho eleDefence Forces Day

WASHINGTON DC - UMongameli Emmerson Mnangagwa uthi uhulumende wakhe uyakunanzelela ukuthi kumele akhwezele amabutho iholo njalo athuthukise impilo yawo kanye leyezinye zonke izisebenzi zakhe.

Ekhuluma emkhosini wokunanza ilanga leDefence Forces Day, eNational Sports Stadium ngoLwesibili, uMnangagwa uthe amabutho eZimbabwe adlala indima enkulu ekuvikeleni ilizwe ezitheni zalo.

Ngokunjalo, uthe kuqakathekile ukuthi uhulumende awanakekele ngeholo eliphezulu njalo awakhele izindlu zokuhlala.

UMnangagwa ukhuthaze njalo uzulu jikelele ukuthi ahlalisane ngokuthula njalo atshiyane lodlakela phambilini kokhetho lomnyaka ozayo.

Ngakolunye uhlangothi, umkhokheli webandla eliphikisayo eleCCC uMnu Nelson Chamisa laye wethule imbiko encoma amabutho njalo ewabonga ngokuvikela ilizwe.

UMnu Chamisa uthe engangena embusweni, uzakhwezela amabutho iholo njalo athuthukise impilo yabantu jikelele. Uphinde wathembise amabutho ukuthi uzasebenza lawo kuhle nxa engaba nguMongameli welizwe.

Ilunga leZanu PF uMnu Mabutho Moyo, ekhuluma leStudio 7, ugcizelele amazwi kaMnangagwa esithi kuqakathekile ukuthi inhlalakahle yabezomvikela ithuthukiswe.

please wait

No media source currently available

0:00 0:04:05 0:00

Umsekeli wesikhulumeli seCCC uMnu Felix Magalela Mafa Sibanda yena uthe lanxa bewahlonipha amabutho, akumelanga avume ukusetshenziswa kwezombusazwe libandla leZanu PF.

please wait

No media source currently available

0:00 0:03:29 0:00

Facebook Forum

XS
SM
MD
LG