amalinks wokungena

Breaking News

Osomabhizimusi Besifazana Abaphanjaniswa yiCovid Bathi Kungcono Ukusebenzela Emaphandleni


UNkosazana Duduzile Nkomazana usomabhizimusi wemaphandleni.
UNkosazana Duduzile Nkomazana usomabhizimusi wemaphandleni.

Ngaphambilini kokuqhamuka kobhubhane lweCovid 19, bathi babevame ukuziyela santando kwamanye amazwe ukuyathenga impahla yokuthengisa ekhaya. Emazweni afana lakomakhelwane kwele South Africa, Botswana, kubo Dubai lamanye amazwe womhlaba.

Bulawayo..........

Abanye osomabhizimusi besifazana abaseZimbabwe bathi ngalezi nsuku sebebona kusiba ngcono ukusebenzela emaphandleni kulasemadolobheni.

Ngaphambilini kokuqhamuka kobhubhane lweCovid 19, bathi babevame ukuziyela santando kwamanye amazwe ukuyathenga impahla yokuthengisa ekhaya. Emazweni afana lakomakhelwane kwele South Africa, Botswana, kubo Dubai lamanye amazwe womhlaba.

Kodwa ngesikhathi sokumelana leCovid, abantu bevalelwe ezindlini ngamaLockdown, konke lokhu kwahle kwaphambaniseka ngakhoke baqalisa ukudingisisa ezinye indlela zokuziphilisa. Omunye wabosomabhizimusi besifazana ababephila ngokuthenga bethengisa kwamanye amazwe owazibona eseswele okokuzinakekela ngeCovid, nguNkosazana Duduzile Nkomazana ohlala koBulawayo kodwa osewasungula inhlelo zokuzinakekela emaphandleni.

Uthi yena labanye abakumsebenzi munye bathi sebebona ukuthi akusahambeki kwamanye amazwe bathi kungcono ukuzilimela ukudla emasimini lezivandeni emaphandleni lokufuya, ukuze baziphilise.

“Umuntu ongumama akahlaleli izandla ungabona lokuyana sokwehlula zama okunye. Kulabo abatshiyelwa imizi ngabazali kumbe oGogo labokhulu, ngiyalixwayisa ukuthi vuselelani imizi leyo, lizimele lokufuya. Yikho esengikwenza mina kumaprojects ami, angidinganga ukuze ngibe lepulazi ukuze ngilime loba ukufuya,” kutsho uNkosazana Nkomazana.

please wait

No media source currently available

0:00 0:05:14 0:00

XS
SM
MD
LG