Inhlanganiso yeZimbabwe Peace Project (ZPP) ithi kuyaxokozela okumangalisayo eZimbabwe okwethuselwa njalo okubotshwa abaphikisa ibandla leZanu PF.
IZPP ithi abahlupha kakhulu abaphikisa uhulumende ngamalunga ebanda elibusayo kulandele amapholisa lebutho.
Umbiko owethulwe yiZPP namuhla uveza ukuba ngoNtulikazi amalunga ebandla leZanu PF yiwo athwalise nzima kakhulu amalunga ebandla leCitizens Coalition for Change.
IZPP ithi amapholisa ahlukumeze abantu abedlula kancane amakhulu amathathu lamatshumi amahlanu – 354 ngoNtulikazi.
Ibika njalo ukuba ibandla leCCC lalo lahlukumeza abantu abafika phose amatshumi amathathu – 29 ngoNtulikazi.
Asenelisanga ukukhuluma ngodaba lolu labamele ibandla elibusayo, amapholisa, abakubutho labakubandla leCCC.
UMnu. Effie Dlela Ncube, olwela ilungelo loluntu, uthi ibandla elibusayo lenza elikufunayo eZimbabwe.
UMnu. Joseph Tshuma, okubandla leZanu PF, uthi kulabanye abakumabandla aphikisayo abaphedla udlakela ngakho-ke akumelanga bekhale nxa sokubehlela labo.