amalinks wokungena

Breaking News

Bamelele Impumela Yokhetho eKenya Ngesikhathi uOdinga loRuto Bengutshiki Lobhanqa Kukhetho Lukamongameli


KENYA : William Ruto and Raila Odinga

Zindala zombili kukhetho lukamongameli kwele Kenya lapho okungqikilana khona uMnu. William Ruto, obengumsekeli kamongameli, uMnu. Raila Odinga, omele amanye amabandla aphikisayo, labanye.

Abezindaba abeReuters babika ukuba uRuto lo-Odinga yibo okukhanya bevotelwe ngabantu abanengi. Ikhomishini eqhuba ukhetho lolu eyeIndependent Electoral and Boundaries Commission lokhu isethula impumela yokhetho lolu kumabona kude lenkundleni zokuxhumana ezitshiyeneyo.

Ikhangelelwe ukuba yethule impumela yokhetho lolu kungakedluli umhlaka 16 Ncwabakazi. IReuters ibika ukuthi okwamanje sokubalwe amavoti edlula izigidi ezilitshumi lantathu – 13,3 millon.

Phakathi kwamavoti la, uRuto ulamavoti edlula kancane izigidi eziyisithupha – 6,7 million kuthi uOdinga uyamlandela phose ngamavoti afanayo - 6,5 million.

Abathole amavoti ayingcosana okwamanje nguMnu. George Wajackoyah loMnu. David Waihiga.

Kukhangelelwe ukuba ikhomishini le izaqhubekela phambili isethula amavoti asebaliwe. Abadabuka eZimbabwe ababukele okwenzakala khonangale kwele Kenya bagoqela uMnu. Tendai Biti, owebandla leCCC, ekhokhelwa nguMnu. Nelson Chamisa.

Ukuze sizwe okunengi ngokhetho lolu, sixoxe loMnu. Michael Ndiweni, ingcwethi kwezombusazwe, othi kungaba lenguquko eZimbabwe abantu bengabambisana kahle kukhetho oluzayo.

Facebook Forum

XS
SM
MD
LG