amalinks wokungena

Breaking News

Lokhu Kubalwa Amavoti eKenya Ibandla Lika Uhuru Kenyatta Obusayo Lisithi Kukhona Okungenziwa Kahle Khonamanje


Bamelele impumela yokhetho kwele Kenya.

Ukubalwa kwamavoti okhetho lokudinga umongameli omutsha kwele Kenya, kungene kusuku lwesithathu ngoLweihlanu abenhlanganiso eyeIndependent Electoral and Boundaries Commission lokhu bengakazisi ukuthi ngubani onqobileyo kuketho lolu.

Abalolwazi ngokwenzakalayo bathi, ngutshiki lobhanqa phakathi kuka Mnu. William Ruto loMnu. Raila .

Umgcinisihlalo webandla leJubilee Party, elikhokhelwa ngumongameli Uhuru Kenyatta, osesikhundleni okwamanje, lazise ukuthi kungaba lokuqilibizela okuthile kulolukhetho okulakho ukuphambanisa ukubalwa kwamavoti ngokukhululekileyo.

Inhlanganiso ebona ngezokhetho ibikwa isalisa intathelizizindaba kanye lenhlanganiso zezindaba ukuba zitsho ukuba ngubani osenqobile kulolukhetho.

Abammeli benhlanganiso ezitshiyeneyo ezilwela amalungelo oluntu labohulumende bamazwe atshiyeneyo womhlaba, bebegcwele kwele Kenya kuliviki, behlolisisa ukuqhutshwa kokhetho lolu.

AbeZimbabwe labo bebekhona. Omunye wabo nguNkosazana Jestina Mukoko, umqondisi wenhlanganiso elwela amalungelo oluntu, eyeZimbabwe Peace Project.

UMukoko utshele IVOA Studio 7 ukuthi bafunde okunengi okuhle lokubi okungaba yisibonelo kwabe Zimbabwe ngesikhathi beqhuba ukhetho ngomnyaka ozayo.

“Injongo yethu ibingeyokuyafunda eKenya ukuthi bona izinto bazenza njani. Angithi uyakwazi ukuthi ngomnyaka ozayo iZimbabwe iyakukhetho. Kunengi esikubonileyo okuhle, lokunye esibone ukuthi, ha, lokhu kungabanzima nxa kungahanjiswa ngakithi. Engikubambe kakhulu yikuncedisa kulabana abakhubazekileyo. Kungaba ngumuntu engxenye ongaboniyo, kumbe olohlupho lokuhamba. Basitshela ukuthi umuntu angenelisa ukuthi abuye lomuntu ozamcedisa asuka laye ngekhaya ukuthi azomcedisa ukuvota.”

Facebook Forum

XS
SM
MD
LG