Amalunga ebandla leCCC abalisa uMnu Job Sikhala loGodfrey Sithole bagcinwe ejele leChikurubi kuhlangothi lwezigebengu ezadala amacala esabisayo.
Ababili laba, abangamalunga edale lephalamende, babikwa bencitshwa njalo ukudla. Bayake baliswe njalo ukubona izihlobo eziyabe zibethekelele.
Lokhu kuvezwe ngamagqwetha abo awenhlanganiso yeZimbabwe Lawyers for Human Rights kuncwadi ayibhalele iziphathamandla zamajele izolo.
USikhala loSithole babotshwe kunyanga ezimbili ezedluleyo ndawonye lamalunga ebandla labo alitshumi lantathu besetheswa icala lokuphehla udlakela eNyatsime, lapho okwakulokufuthelana okukhulu kulandela ukubulawa kwelunga leCCC uNkosazana Moreblessing Ali.
Sixoxe lengcwethi kwezombusazwe uDr. Jethro Mpofu.