amalinks wokungena

Breaking News

Inani Labaphuma Elizweni Besiya Kwamanye Amazwe Liqanse Nge 15 percent, Kutsho iIOM


Umngcele we Beitbridge

I I-O-M ithi ukuyekethiswa kweziqondiso zeCovid-19 yikho osekudale ukuthi abeZimbabwe baqale ukungena emazweni angomakhelwane.

Inhlanganiso ebona ngokungena lokuphuma kwabantu emazweni womhlaba, eye International Organisation for Migration (IOM) ithi inani labantu abaphuma eZimbabwe liqonge ngesilinganiso sokulitshumi lanhlanu ekhulwini (15%) ngenyanga kaNhlangula ngesikhathi amazwe amanengi eyekethisa iziqondiso zokumelana leCovid-19. Inthathelizindaba yeStudio 7, uMqondisi Dube usethulela loludaba ngokugcweleyo eseGaborone kweleBotswana

I I-O-M ithi ukuyekethiswa kweziqondiso zeCovid-19 yikho esekudale ukuthi abeZimbabwe baqale ukungena emazweni angomakhelwane.

Ugwalo olukhitshwe yihofisi IOM eZimbabwe, olwe Flow Monitoring Report olwenyanga kaNhlangula lukhomba ukuthi kulabantu abaphezu kwenkulungwane ezingamatshumi amahlanu (51,302) abaphuma elizweni. Lokhu kukhomba ukuthi inane leli likhuphuke ngesilinganiso sokulitshumi lanhlanu ekhulwini (15%) uma kuqathaniswa lenyanga kwaNkwenkwezi.

I IOM ithola lezinombolo ezindaweni zokungena lokuphuma elizweni ezigoqela iBeitbridge, Plumtree, Chirundu, Victoria Falls kanye lezinye ezifika amatshumi amane lanhlanu (45).

Amazwe akhelane leZimbabwe afana leBotswana kanye leSouth Africa, asevumela abantu abahlatshwe ngokugcweleyo ijekiseni yeCovid-19, ukuthi bengene kungelazidingo ezinenginengi. Njalo amazwe la, athi abantu sebengahamba hamba emphakathini bengafakanga ilembu lokuvala amakhala lomlomo (imask).

Unkosikazi Debra Mkasa owenhlanganiso ye Bulawayo Vendors and Traders Association uthi ukuyekethisa kweziqondiso zeCovid-19 sekuphathise amalunga abo.

“Amanye ama border afana leBotswana athi kungasetshenziswa ama Covid certificates, amalunga ethu ayachapha ayahamba. Sesikubona kuyinto nje eqondileyo, kodwa siqhubeka sikhuthaza amalunga ethu ukuthi aqhubeke ngeziqondiso.”

Unkosikazi Mkasa uthi kodwa asebekubona yikuthi amalunga abo aseqala ukuchapha imngcele, noma nje abanye sebethenga ezitolo esezivulwa ezokuwoda koBulawayo.

“Amalunga ethu akhona achaphayo akhona angachaphiyo. Kulabanye asebewoda ezitolo zama China ezikhona koBulawayo. Kodwa bakhona abalokhe bechapha besiyathenga eyinye imphahla endlini, kodwa okufana lezigqoko kukhona lapha.”

OweZimbabwe ophila ngokuthengisa imphahla kweleBotswana, umnunzana Rodwell Moyo uthi noma nje sekukethiswe iziqondiso zeCovid-19, kukhona okusabambe inengi ukuthi lichaphe umngcele.

“Thina abathengisa phandle lokhe kunzima sikhangele isimo esibhekane laso. Uhulumende nguye othatha imali enengi ikakhulu imali yaphandle thina siphiwa iRTGS.”

I IOM ithi esinye isizatho esesibangela ukuqansa kwenani labantu asebechapha imingcele, ikakhulu belubhekise kweleSouth Africa, yikuthi amanzi kumfula uLimpopo aseyentshile, okwenza abanye abangena ngudlu benelise ukuchapha.

Abadlula amatshumi ayisitshiyagalombili ekhulwini babelubhekise eSouth Africa, kukanti inengi labantu abangene elizweni kade besiya emhlubulweni weMatebeleland.

Abantu abangaba yisilinganiso sokwedlula amatshumi amathathu ekhulwini(32%) baphume elizweni ukuyakwenza ibhizimusi, kukanti inengi labaphumileyo (59%) kade bengabesilisa.

please wait

No media source currently available

0:00 0:03:24 0:00

Facebook Forum

XS
SM
MD
LG