amalinks wokungena

Breaking News

ICCC Ikhathazwa Yikuhlutshwa Kuka Job Sikhala loGodfrey Sithole Abafakwa Amaketani Enyaweni


UMnu. Job Sikhala uhanjiswa enkantolo sonke isikhathi efakwe amaketani enyaweni.

Amagqwetha amele uMnu. Job Sikhala loMnu. Godfrey Sithole, abakubandla eliphikisayo eleCitizens Coalition for Change ekhokhelwa nguMnu. Nelson Chamisa, athi ababili laba bathwaliswe nzima ngabalinda eChikurubi Maximum Prison lapho abagcinwe khona bemelele ukuthoniswa amacala okutshotshozela udlakela eNyatsime.

Amapholisa athi ababili laba bakhuthaza udlakela kulandela ukubulawa kuka Moreblessing Ali, owayelilunga leCCC.

Kulabanye njalo ababotshwa loSikhala kanye loSithole abesetheswa amacala afanayo. Akwaziwa ukuba baphethwe njani entilongweni.

Abantu abanengi bathi kukhanya engani abakubandla leZanu PF ababotshwa ngamapholisa, abagoqela uMnu. Justice Mayor Wadyajena, owetheswa icala lobukhohlakali, baphethwe kahle njalo abafakwa amaketani njengalokhu okwenziwa uSikhala loSithole ngesikhathi behanjiswa emthethwandaba.

UNkosazana Fadzayi Mahere, isikhulumeli sebandla leCCC, uthi kumele uSikhala loSithole kanye lamanye amalunga eCCC ekhululwe ngesiphangiphangi ngoba abalamacala.

UNkosazana Nomthandazo Nkomazana, olandela ezombusazwe, uthi kumele abalinda ababili laba bengabakhahlamezi.

UNkosazana uthi uSikhala loSithole balamalungelo athize okumele alandelwe yintilongwe, inkantolo lohulumende.

UMnu. Joseph Tshuma, okudale leCentral Committee kubandla elibusayo, uthi kuyamangalisa ukuba bafakelwani amakethani ababili laba.

Facebook Forum

XS
SM
MD
LG