amalinks wokungena

Breaking News

Inhloko ZeNdaba, NgoLwesihlahu Ncwabakazi 19, 2022


Inhloko ZeNdaba

Washington DC...........

*** Amapholisa namuhla athethe izimota zelunga leZanu PF elibotshelwe icala lokweba imali engangeUS$5 Million uMnu Justice Wadyajena. Iphephandaba leHerald libika ukuba amapholisa anakanela ukuthi uWadyajena ubezama ukubalekisela lezizimota kweleSouth Africa. Enye yezimota lezi yiLamborghini njalo enye yiBMW.

*** Uhulumende uthi uzajezisa kabuhlungu iziphathamandla zakhe ezitshaphaza imali yakhe kanye lalabo ayabe ebaphe umsebenzi wokuqhuba inhlelo zakhe ezitshiyeneyo bangaphathi kuhle imali yakhe.

*** Inengi lisola amazwi kamphathintambo kahulumende obona ngezemithetho uMnu. Ziyambi Ziyambi yena othi ababikwa babulala abantu ngesikhathi seGukurahundi abasoze bajeziswe ngoba uhulumende kamuyi uMnu. Robert Mugabe wabaxolela.

*** Ikomishini ebona ngezokhetho eyeZimbabwe Electoral Commission isikhuphule intengo yokuthola ugwalo lwabalelungelo lokuvota eleVoters Roll.

*** Kuliviki kuhlelo Woza Friday silomculi odabuka eMbembeswane uXolani Tshongwe ohamba ngegama lokuthi Xostie. Kulezinsuku ucula ekweleBhilithane.

***KuLivetalk namhlanje, lokhu sisedabeni lwempumela yokhetho lokudinga umongameli omutsha weleKenya kanye lokuvulwa okusemthethweni kwenkampani eyeCold Storage Commission ngemva kokuvalwa okwesikhathi eside.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG