amalinks wokungena

Breaking News

IZimbabwe Electoral Commission Ithi Abafuna i-Electronic Voters' Roll Yelizwe Kumele Bekhokhe US$150


Abakukhomishini yeZimbabwe Electoral Commission bafundisa uzulu ngokuvota.

Ikhomishini yeZimbabwe Electoral Commission ithi abantu abafuna uluhlu olulamagama abavotayo olwelizwe olutsha kumele bekhokhe ikhulu lengxenye lamadollar eMelika – US$150.

Imali le yehlile isuka kumadollar alikhulu US$200 eyakhokhwa yilabo abathenga ugwalo lolu olujulileyo lwabavoti ngomnyaka ka2017.

IZEC eyethule umbiko lo enkundleni yokuxhumana eyeTwitter ngoLwesihlanu, ithi abafuna uluhlu lokuvota olwendawo lapho okuvotwa khona kumele bekhokhe amadollar angamatshumi amabili – US$20.

Abafuna uluhlu lweWard bazakhokha US$25, isigaba sonke kumbe iconstituency – US$30 kuthi-ke olwesabelo luzathengwa nge-US$60.

I-ZEC ithi abantu balakho ukukhokha imali le besebenzisa eyeZimbabwe ehambelana lesisindo sedollar leMelika emkambo wezimali kahulumende.

Facebook Forum

XS
SM
MD
LG