amalinks wokungena

Breaking News

Inhloko ZeNdaba Mhlaka 22, Ncwabakazi 2022


Inhloko ZeNdaba

WASHINGTON DC..........

*** Umkhokheli we bandla le National Constitutional Assembly (NCA) uMnu Lovemore Madhuku uthi ibandla lakhe lizamangalela emthethwandaba, ikomishini ebona ngezokhetho eye Zimbabwe Electoral Commission (ZEC) ngemva kokwethula kwayo imbadalo okumele zikhokhwe ngabalesifiso sokuncintisa kukhetho.

*** Abahlali bakoBulawayo batshengisele lamuhla eCity Hall kulelodolobho besola abathi yikudula kwembadalo yokupaka imota zabo kanye lendlela ikhansili eqhuba ngayo umsebenzi wayo.

*** Uhulumende uthi uzakwengeza imali ephiwa asebathatha umhlalaphansi eye pension kodwa abakupension bekhala ngokuthi kayeneli lutho leyo mali njalo kumele baiyiphiwe ngedola leMelika hatshi ngeleimbabwe.

*** Ingcwethi zezempilakahle zithi kuqakathekile ukuba uzulu weZimbabwe azwisise ngesimo eseAutism ebantwaneni, adinge usizo kusaselesikhathi kwabezempilakahle ngoba ikhona infundiso yokondla umntwana olalesi simo, kulokukholelwa ekuthini uloyiwe kumbe akala ngqondo ezipheleleyo.

***KuLivetalk namhlanje, sikhangela inyathelo lekomishini ebona ngezokhetho eye Zimbabwe Electoral Commission-ZEC lokukhuphula imbadalo okumele ikhokhwe ngabalesifiso sokuncintisa kukhetho lomnyaka ozayo oka2023.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG