Bayakhala abantu abanengi eZimbabwe ngokukhutshulwa kwembhadalo yokungena kukhetho oluzakwenziwa ngomnyaka ozayo eZimbabwe.
Kulabanye njalo abancoma iZimbabwe Electoral Commission (ZEC) ekhuphule imbhadalo yokungena kukhetho lukamongameli besithi besekungena abantu abangaqedakaliyo.
Ofisa ukungena kukhetho lolu uzabhadala inkulungwane ezingamatshumi amabili zama dollar eMelika - US$20,000.
Ofuna ukungena kukhetho lokudinga amalunga edale lephalamende uzabhadala inkulungwane zamadollar- US$1,000.
Abafisa ukungena kukhetho lokudinga amakhansila lamalunga edale leSenate bazabhadala ikhulu lamadollar - US$100.
UMnu. Michael Ndiweni, ingcwethi kwezombusazwe, uyakusekela okunye okwenziwe yiZEC.
UMnu. Thandazani Moyo, othakazelela ezombusazwe, laye uthi kumele abantu abafisa ukungena esikhundleni sikamongameli kube yilabo abazakwenelisa ukukhokha imali efunzwa yiZEC.