amalinks wokungena

Breaking News

Abe-Ibhetshu Likazulu Baqoqa Umbuthano Wokukhumbula Umuyi uMnu. Gibson Sibanda


Gibson Sibanda Memorial

UNkosazana Thokozani Khuphe ngomunye wabangene inkonzo yokukhumbula uSibanda. Emazwini awethule kulumb uthano uMaKhuphe uncome kakhulu imisebenzi kamuyi emchaza njengomuntu owayekhuthalele ukuthuthukisa impilo kazulu wonke weZimbabwe ngesikhathi umzabalazo usatshisa kakhulu.

Bulawayo...........

Izizalwane zeZimbabwe labezombusazwe bebethe gwaqa enkonzweni yokukhumbula umuyi uMnu. Gibson Sibanda lomkakhe uNkosikazi Zodwa, NgoLwesibili, eyenzelwe eFidelity Building, kuFife Street, koBulawayo. Lumbuthano wesikhumbuzo uqoqwe ngabenhlanganiso elwela amalungelo oluntu, eyeIbhetshu LikaZulu.

USibanda waba ngumsekeli womkhokheli webandla leMovement for Democratic Change, lapho libunjwa ngomnyaka ka1999, wakhethwa ukuba lilunga ledale lephalamende wazophiwa isikhundla somphthintambo wezokukhumisana umlotha kuhulumende womanyano. Inengi elingene inkonzo yokukhumbula umuyi bamchaze njengomuntu owayesebenzela isizwe esimanyeneyo.

Ekhuluma kulinkonzo, owasebenza loSibanda besasekubandla leZapulakuMDC, uMnu Paul Themba Nyathi umchaze njengomuntu owalisebenzela leli lizwe yena lemuli yakhe.

Gibson lekhosikazi lakhe basisebenzela isizwe impilo yabo yonke betshiya abantwana Babi begijimela ukukhulula ilizwe ukuthi wonke umuntu azizwe ekhululekile.”

UDokotela Thokozani Khuphe ongene inkonzo yalamuhla uchaze imisebenzi kamuyi wokusebenzela isizwe ngesikhathi kusatshisa kakhulu.

“UGibson Sibanda ngabasunguli balokhu esilokhu sigijimangakho njalo asibuyeli emuva ngoba basifundisa ukusebenza kungela dlakela njalo lokhe sibambe lapho abasitshiyakhona.” Indodakazi kamuyi engene inkonzo yalamuhla uThandi Sibanda ubonge kakhulu ukukhunjulwa kukayise.

“Ngiswele imilomo ezinkulungwane ngokusenzela kahle kangaka ukuba likhumbule uBaba loMama siyabonga Mthwakazi omuhle ngibongela labafowethu lesizwe sonke.” Ilunga lebandla leZapu elingene inkonzo yokulhumbula uSibanda, uMnu Parton Nketa uchaze ukuba imbali kamuyi yaqala kumalungelo ezisebenzi ilizwe lingakatholi uzibuse.

UGibson Sibanda ithethe enyaweni zaboMasotsha Ndlovu oBenjamin Burombo laboJoshua Nkomo ngoba akukho okungenziwa lilizwe kungela zisebenzi njalo ilhosikazi lakhe lalisenenza laye uma lisakhumhula uZodwa ngomunye waboMama bakuqala ukubotshwa nguhulumwnde weZimbabwe ngo1980.”

Olwela amalungelo oluntu uMnu Effie Ncube usole ezombusazwe ezweni ethi ziyancindezela.

“Konke okwalwelwa nguGibson lekhosikazi lakhe lokhe kulwelwa lamanje njalo uhulumende okhona kakhombisi kuhlonipha amalungelo abantu ulocuku.”

Umqoqi wenhlelo kuIbhetshu LikaZulu uMnu Mbuso Fuzwayo uthi imisebenzi kamuyi uSibanda lokhe isaphila njalo bazahlala bemcabanga lomkakhe uMaMbambo.

“Imisebenzi kaGibson lekhosikazi lakhe ibalulekile empilweni zethu njalo sizohlala sibalhumbula ngoba abakulwelayo asikakufezi njengesizwe.”

Umuyi uGibson Sibanda wazalwa NgoZibandlela 1, ngomnyaka ka1944 wabhubha ngo 24 August 2010. Imbali yakhe iqala lapho elwela amalungelo ezisebenzi lakubandla likaZapu esebenza kololiwe. Wasebenza lomuyi uMnu. Morgan Tsvangirai enhlanganisweni yezisebenzi eye Zimbabwe Congress of Trade Unions-ZCTU okulapho okwakhokhelela ekubumbeni kwabo ibandla eleMDC, bemanyene laezifundi ezekolitshini eleUniversity of Zimbabwe. Umkakhe uMaMbambo waba ngomunye wabesifazana ababotshwa nguhulumende weZimbabwe ngo1980 njalo babedume ngokusebenzela isizwe. Unkosikazi Zodwa yena ubhubhe ngomnyaka ka2003 watshiya abantwana abathathu labazukulu.

Facebook Forum

XS
SM
MD
LG