amalinks wokungena

Breaking News

Inhloko ZeNdaba, Mhlaka 24 Ncwabakazi 2022


Inhloko ZeNdaba

Washington DC.........

*** Umpathintambo obona ngendaba zabatsha, uNkosikazi Kirsty Coventry uthi uhulumende usezavuselela uhlelo olwe National Youth Service ngomnyaka ozayo esithi loluhlelo luzabe lwehlukile lolweminyaka yaphambilini olwalugoqela ezombusazwe njalo lusephula amalungelo abantu.

***Inhlanganiso ezizimeleyo sezilobele usomlomo wephalamende uMnu Jacob Mudenda zimcela ukuthi evimbe ukupasiswa komthetho wePrivate Voluntary Organizations Amendment Bill, ngoba zisithi ngumthetho omubi kakhulu

*** Abohlangothi lukahulumende olubona ngezokulondolozwa kwemvelo phansi kwenhlanganiso eye Environmental Management Agency ( EMA ) bathi bakhathazekile ngokwanda kwengozi yokuqhamuka komlilo ungalumathiswanga ngumuntu ezidala umonakalo omkhulu emaphulazini lakumvelo.

***Ibandla leCitzens Coalition for Change lithi amalunga alo ahlaselwe eWedza North, ngabacatshangelwa ukuthi ngabebandla leZANU PF, abazame ukuvimbela umkhokheli weCCC uMnu. Nelson Chamisa ukuthi edlule ngemota ayexoxisana lenkokheli zaleso isigaba.

*** Uhulumende uthi uzakwengeza imali ephiwa asebathatha umhlalaphansi eye pension kodwa abakupension bekhala ngokuthi kayeneli lutho leyo mali njalo kumele baiyiphiwe ngedola leMelika hatshi ngeleimbabwe.

*** Esigabeni lapho esixoxa lezizalwane zeZimbabwe esezihlala kwamanye amazwe, namuhla uGibbs Dube we-Studio 7 uloMnu. Limukani Mpofu, odabuka eZimbabwe osehlala kwele South Africa, ngokhetho oluzakwenziwa ngomnyaka ozayo

***KuLivetalk namhlanje, kuhlelo “Diaspora Forum” sikhangela ukuhlukunyezwa kwezizalwane zaseZimbabwe ezihlala kweleSouth Africa, inengi eseliphelelwa yikusebenza kwengwalo zeZimbabwe Exemption Permits ekupheleni kwalonyaka.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG