amalinks wokungena

Breaking News

Woza Friday: Utshaya Kuzwele uFab G uMshana Kagogo’


Zimbabwean artiste
Zimbabwean artiste

Kuliviki kuWoza Friday silomculi osacathulayo kodwa osedume kakhulu koBulawayo, uPrince Qhubani Mpofu ozibiza ngegama lokuthi ‘Fab G uMshana Ka Gogo’. Ucula umdumo awubiza ngokuthi yiTribal House Music.

Umculi wakwele Zimbabwe
Umculi wakwele Zimbabwe

UFab G wondliwe ngugogo wakhe kusukela emncane njalo nguye owamkhuthaza ukuthi engene kwezomculo wacina ezinika igama lokuthi Mshana kaGogo.

"Ngazalelwe koBulawayo eMpilo Hospital, ngasengikhulela elokitshini elidala ele Old Magwegwe ngikhuliswa ngugogo, ugogo engibonisa uthando olukhulu wangakha yikhoke lapho okubuye khona igama elithi Mtshana kaGogo. Ngifunde eMagwegwe Primary Pchool imfundo yami yaphansi then imfundo yami yaphezulu ngaya eMagwegwe High School. Ngenza ezinye izifundo endaweni okuthiwa yiEmanuel Light College."

Umfana kaMpofu uthi ukucula kusegazini.

"Ukuhlabela kimi ngingathi kwaba lubizo, kwaba lubizo ngoba ingoma zami ziphathelane lamasiko, ingoma zami ziphathelane ngokufundisa abantu ngomdabuko wabo. Zikhona njalo engizenza eziphathelane nentsha kodwa ke ezinengi zakhona akukhathelekile ukuthi unganani umdala kumbe umncane ingoma zami ziyamukeleka, sengizaqamba abahlabeleli abanjengo Shwi nomthe khala, ngingakhohlwa uMajaivane ingoma zakhe abantu abayenza istory telling. Yikho lapho okule strength sami khona yikho lapho okulamandla ami khona."

Uthakazelelwa ngabantu abanengi eZimbabwe
Uthakazelelwa ngabantu abanengi eZimbabwe

Njengomculi osacathulayo uFAb G usebenze labanye ekuphekeni umculo wakhe awubiza "Mthoba Nhliziyo Tribal House". Lapha uhlanganisa uMasgandi, Afro Pop leHip Hop.

"Sengikengasebenzisana labo Diliza. UDiliza lowo owe Kalawa, from South Africa. Kumanje ngisebenzisana leHaris hotels under New management uJordan Dube lo gogo wami u Noma Dube yibo ke abantu manje engisebenza nabo. Ngirecorder eStreet Minutes Studios, ivocal mastering yami isenziwa ngu Cliff Jeans, then i-sound engeneering yama beat isenziwa nguBoylee Beats lo Ngra Ingrams."

UPrince ukhiphe iculo lakhe elitsha ngeviki ephelileyo elidla ubhedu "Manginawe".

Uthandwa ngabantu abanengi
Uthandwa ngabantu abanengi

Phosela ilizwi ungakahambi Fab G.

“Kubalaleli ngithanda ukuthi ngyabonga kakhulu ,uthando nokungixhasa kwenu, ngingumtshana kagogo lo enginguyena namhlanje ngilapha engikhona namhlanje ngenxa yabantu. Umuntu ngumuntu ngabantu. Ngyatholakala kuFacebook, instagram kutwitter naku YouTube ngingu Fab G Mshana ka Gogo. Ngiyabonga.”

Bayamthanda, bayamjabulela uFab G uMshana ka Gogo, ngumzukulu owakhula elalela ugogo wakhe.

XS
SM
MD
LG