amalinks wokungena

Breaking News

Abadabuka koGodlwayo Bazimisele Ukuthuthukisa Isiqinti Sabo


FILE: Owesifazana ubuka ababele emasimini.

Abenhlanganiso yeGodlwayo Community Radio Initiative, emanyane leyeGodlwayo Community Development Trust, eyasungulwa ngomnyaka ka2016, bathi lokhe bezimisele ukuqhubekela phambili ngomsebenzi wabo wokuthuthukisa isiqinti sikaGodlwayo esigqela i-Insiza leFilabusi.

UMnu. Nkululeko Tshuma, umqondisi walinhlanganiso, uthi bakhela inhlupho salesi siqinti , njalo bayasiphakamisa kwezempilakahle, kwezemvelo, lakwezemfundo.

Uthi ukusakaza balokhe beqina ngakho loba nje okwakhathesi basakaza ebulenjini kuphela besamelele ukuphiwa imvumo yokungena emoyeni yokusakaza yaseZimbabwe nguhulumende.

“Okwakhathesi, sisebenzisa amaplatform, kumbe ukusakaza sisebenzisa ubulembu, sisakaza sisebulenjini. Sibuye futhi silenhlanganiso ekuthiwa yiGodlwayo Community Development Trust. IGodlwayo Community Development Trust iyinhlanganiso esiyibumbileyo singabantwana bakoGodlwayo, eInsiza, Filabusi, ukuze siyenelise ukukhangela inhlupho, izinsweloezikhona esigabeni sakithi, ukwenzela ukuthi isigaba sethu singasalelei emuva.

UTshuma ubuye wengeza esithi, “Zinengi izinto ezihlupha abatsha; zinangi izinto ezihlupha omama. Sikhangele ezempilakahle, ihealth, education; sikhangele nje ukukhuliswa kwabantwana, amathuba abantwana, amalungelo abantwana; amathuba abomama, amalungelo abomama.”

UTshuma uphethe ngokuthi inhlanganiso yabo ikhangele ezemvelo lokuqhutshwa kwazo lezonhlelo lokuthi njengabantwana besigaba sakoGodlwayo, bengavikela njani isigaba sakibo.

“Sikhangele ukuthi njengenzalo kaGodlwayo, namzo inhlanganiso esifuna ukusebenza kizo, siphakamise isigaba sakithi.”

Facebook Forum

XS
SM
MD
LG