'I-ZEC Ixotshe Ababalisi Ekade Bemele Bephathe Ukhetho eGokwe Isithi Basekela iCCC'

WASHINGTON DC - Abanye ababalisi ekade bemele baphatheke kunhlelo zokuqhutshwa kokhetho lokudinga umeli weGokwe-Kabuyuni ephalamende ngoMgqibelo, ama-polling officers, bbaikwa beyaliswe ukwenza lumsebenzi yiZimbabwe Electoral Commission (ZEC) ibethesa icala lokusekela ibandla leCCC.

Lokhu kwaziswe yinhlanganiso emela ababalisi bemaphandleni, iAmalgamated Rural Teachers Union of Zimbabwe (ARTUZ).

Umkhokheli walinhlanganiso uMnu Obert Masaraure ukusolile kakhulu lokhu esithi kungamanga ukuthi ababalisi laba basekela ibandla likaMnu Nelson Chamisa.

Isikhulumeli seZEC uMnu Jasper Mangwana yena utshele iStudio 7 lawa ngamanga aluhlaza. Kodwa uMasaraure uthe ngempela kwenzakele.

Impumela yalolukhetho izakwaziswa ngeSonto. Isigaba seGokwe-Kabuyuni sisele singelameli ephalamende ngemva kokubhubha kwelunga leZanu PF uMnu Leornard Chikomba.

NgoLwesine ibandla leCCC lithi kube lodlakela kulumango lapho abasekeli beZanu PF abagijimise khona uChamisa labasekeli bebandla lakhe njalo batshaya intathelizindaba.

Ucubungula ezombusazwe uMnu Mbuso Fuzwayo utshele iStudio 7 ukuthi iZEC ingenza yiloba yini ngoba ivele isebenza yeyamele kuhlangothi lweZanu PF.

Embed share

Ingxoxo loMnu Mbuso Fuzwayo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:58 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

AbeZEC labeZanu PF bayakulandula ukuthi balobudlelwano.