amalinks wokungena

Breaking News

Incosana Yabantu Iphatheka Emihlanganweni yeBudget Yekhansili YakoBulawayo


Bulawayo Budget Review meeting

Ikhansili yakoBulawayo ichaze ukuba kuphetha inyanga kaNhlangula lonyaka uzulu ubeselisikhwelede kuye samadola aphosa afike kumabhiliyoni ayisitshiyagalolunye aweZimbabwe (ZWL $ 8,792 ,339 ,323) kuthi yona ilesikwelede phose amabhiliyoni amathathu (ZWL $2,920,900,039).

Bulawayo..................

Ikhansili yakoBulawayo igqibe namhlanje, uhlelo lokukhulumisana lozulu labosomabhizimusi ngokuphathelane loluhlu lwendleko lokubuthaniswa kwemali olweBudget. Lolu hlelo luqale mhlaka 26 Ncwabakazi 2022 emalokitshini kanye lakubosomabhizimusi koBulawayo. lsiqokoqela kuyikubhadalisa indleko ngedola leMelika.

Ikhansili yakoBulawayo ibike ukuba yayikhangelele ukuba intengo yokuthenga idola leMelika yayizakwehla ngoba ngoLwezi womnyaka ophelileyo ihlela i-Budget yalonyaka, isilinganiso sokutshintsha idola elilodwa leMelika sasikumadola alikhulu aweZimbabwe (US$1:ZWL $101). Kodwa ke akusabanga njalo, isilinganiso esikhitshwe kuviki eliphelileyo mhlaka 23 Ncwabakazi libhanga elikhulu lelizwe ele Reserve Bank of Zimbabwe idola elilodwa leMelika selithengwa ngamadola angaphezu kwamakhulu amahlanu (US$1:ZWL $521,3451). Kungenxa yalesi sizatho ikhansili yethule umbono wokuhlela imbhadalo zezakhamuzi ngedola leMelika, kuthi nxa kubhadalwa ngeleZimbabwe kusetshenziswe isilinganiso salolo suku. Lokhu kwenza intengo ibe ilokhu ikhuphuka ngenyanga okudale ukuba izakhamizi zikhonone kakhulu ngokuthi azisenelisi ukubhadala indleko lezi.

Umnunzana Thembelani Dube umabhalani wenhlanganiso yeBulawayo Progressive Residents Association ngomunye wabamukele ngenjabulo imihlangano le, yokukhulumisana lozulu.

“I-Budget review leyi eyenziwa yiBulawayo City Council yindlela vele okumele kwenziwe ngayo. Ngakho ke izakhamizi zikhuthazwa ukuthi zibuze kakhulu ukuthi iBudget le eye USDollar component yavungelwana ngaphi njalo yavunywa ngobani. Ngoba khathesi okwenza ukuthi izindlu zikhwele nyanga zonke yiwo lawa amaFigure eUSDollar angazange avunyelwane labantu. Ngakho siyakhuthaza izakhamizi ukuthi zibuze kakhulu ukuthi kuyini okwenza ukuthi imali leyi ivunywe thina singayazi.”

Umnunzana Rodney Jele ukhansila ka Ward 23 uthi bebekhangele ukuthi imali yezakhamuzi isebenza ngendlela.

"Besisenza esithi Thina ngama Budget review. Lapha ekade sikhangele khona ukuthi esasikuhlelile umnyaka ophelileyo langendlela indleko ekade zingena ngakhona. Umansipala imali zezakhamizi zisebenze njani. Yikho okade kukhangelwe iviki leyi ukuthi kuzotshengiswa izakhamizi khona. Izakhamizi ziyamukele iBudget review kodwa bezikhala kuphela ngama High water bills. Vele yinto ebikade imqoka amaWards onke.”

U Alderman Earnest Rafomoyo ukhansila ka Ward 20 uthi bakhethwe yizakhamizi ngakho kuqakathekile ukuthi bebekwazi okwenzakalayo.

“I-Budget review leyi eyenziwa yiBulawayo City Council yindlela vele okumele kwenziwe ngayo. Ngakho ke izakhamizi zikhuthazwa ukuthi zibuze kakhulu ukuthi iBudget le eye USDollar component yavungelwana ngaphi njalo yavunywa ngobani. Ngoba khathesi okwenza ukuthi izindlu zikhwele nyanga zonke yiwo lawa amaFigure eUSDollar angazange avunyelwane labantu. Ngakho siyakhuthaza iakhamizi ukuthi zibuze kakhulu ukuthi kuyini okwenza ukuthi imali leyi ivunywe Thina singayazi.”

Umnunzana Bhekimpilo Sibanda isakhamuzi sakoBulawayo uthi ikhansili ayilamali ngakho kumele ibekele babhadale ngendlela ababebhadala ngayo.

“Ngelihlo likaCouncil, iCouncil yena kala mali engeyakhe usebenzisa imali yethu. Okungangokuthi, zonke izinto azithengayo kufanele imali abe eyithethe kithi. Ngakho ke thina kufanele kube yithi esimuphayo leyomali ngoba sibhadalela esikusebenzisileyo. Lokho esikusebenzisileyo loba esikusebenzisayo lithenga ngemali yase America. Okungangokuthi kufanele ukuthi lathi kube yimali yeAmerica esiyisebenzisayo. Kodwa kufanele kube lokuzwisisana kuqala ngoba isimo lesi sivalela wonke umuntu, sincindezel wonke umuntu.”

Incosana yabantu bakoBulawayo baphatheke emihlanganweni le eyenziwe yikhansili.

TEXT: Ikhansili yakoBulawayo ichaze ukuba kuphetha inyanga kaNhlangula lonyaka uzulu ubeselisikhwelede kuye samadola aphosa afike kumabhiliyoni ayisitshiyagalolunye aweZimbabwe (ZWL $ 8,792 ,339 ,323) kuthi yona ilesikwelede phose amabhiliyoni amathathu (ZWL $2,920,900,039).

Lonyaka isisebenzise amadola angamabhiliyoni edlula isithupha (ZWL $6,321,880,931) phezu kwebudget yomnyaka ka2022 engamabhiliyoni angamatshumi amabili lantathu (ZWL23.8 Billion).

Udaba lokukhangelisisa ibudget yakoBulawayo siluphiwa nguBathabile Masuku
please wait

No media source currently available

0:00 0:04:38 0:00

Facebook Forum

XS
SM
MD
LG