amalinks wokungena

Breaking News

Usebotshiwe uSiqokoqela Mphoko Indodana kaPhelekezela Mphoko Okuthiwa Udlwengule Umzukulu


UMnu. Siqokoqela Mphoko, inodana kaMnu. Phelekezela Mphoko, owayengumsekeli kamongameli.
UMnu. Siqokoqela Mphoko, inodana kaMnu. Phelekezela Mphoko, owayengumsekeli kamongameli.

UMnu. Siqokoqela, indodana yowayengumsekekeli kamongameli welizwe uPhelekezela Mphoko, ubotshiwe namuhla esetheswa icala lokudlwengula ingane eleminyaka elitshumi lambili - 12.

UMphoko, osevalelwe emapholiseni eHillside koBulawayo, uzamiswa phambi komthethwandaba wakoBulawayo kusasa.

UMphoko ubeke wabaleka emapholiseni ngoLwesibili ntambama kodwa uzinikele namuhla wahle wavalelwa.

"Izolo ngibalekile emapholiseni ngoba ngibone engani kulobandlululo endabeni yami, ngibona engani into azenziwanga ngendlela, ngibona engani kulesandla esingemva kwendaba yami kodwa kungasihulumende. Ngicela imkhuleko yenu, ngicela usekolo lwenu. Ngiyabonga ngothando lwenu lokuzwisisa kwenu, Ngiyabonga unkulunkulu alibusise.

UNkosikazi Gugulethu Mphoko, ikhosikazi lika Mphoko, uthi kaboni ukuthi umkakhe udlwengule umntwana lo.

"Sasimgcinile umamakhe wamfonela wancela ukuba sikhangelele umntwana because lapha akhona i-environment ayikho rayithi. Ngathi ah! Mina angila mandla ngizacela ubaba. Ngumntwana oyinkazana at least umntwana wethu oyinkazana uyabe elosisi singazi ukuthi kanti sesizifake nkingeni. Namuhla sokuthwa umntwana umotshiwe yet, thina besimphethe njengomntwana endlini engasweli lutho sizama ukuthi abe equal with abantwana bethu."

Uyaphambili uNkosikazi Mphoko esithi badideke ingqondo ngokubotshwa komkakhe.

"Izinto ezingayenzakala that we don't know, ngoba akulanto ecacayo kuthwe iMedical report yomntwana okhulunywa ngaye isiphumile kodwa khathesi asikatshelwa lutho. I'm in the dark and I don't know what is happening. Bathi iCourt yiyo eza finaliser kUsasa after they look at imedical report."

Intombazane le okuthiwa idlwenguliwe iqale ukuhlala lemuli yako Mphoko ngoMabasa lonyaka. Isikhulumeli samapholisa eZimbabwe, National Spokesperson Assistant Commissioner Paul Nyathi uthe liqiniso uMphoko ubotshiwe.

"Indaba esilayo uMphoko is facing ama rape allegations and imbiko eminengi lizayithola iphuma ku court ukuthi yena urepe omunye unkazana omunye umntwana on several occasions besendlini.

UMphoko namhlanje ulele estokisini njalo uzamiswa phambi kuka manship koBulawayo kusasa ekuseni.

‚Äč
XS
SM
MD
LG