amalinks wokungena

Breaking News

Usevalelwe eKhami Prison uSiqokoqela Mphoko Okuthiwa Udlwengule Umzukulu


Siqokoqela Mphoko, son of former vice president Phelekezela Mphoko

UMnu. Siqokoqela Mphoko, indodana kaMnu. Phelekezela Mphoko, owakewabangumsekeli kamongameli wakwele Zimbabwe, obhekane lecala lokuthi wadlwengula umzukulu wakhe oleminyaka elitshumi lambili 12, walelwe ngumantshi koBulawayo namuhla ukuba abhadale imali yesibambiso se-bail

Umtshutshisi, Acquman Khupe, utshele umthethwandaba ukuba uMphoko wadlwengula umzukulu wakhe kusukela ngoNtulikazi kusiyafika uNcwabakazi lonyaka. UKhupe uthe uMphoko wetheswa elinye njalo icalo elokuthi wabaleka enkambeni yamapholisa eHillside Police Station ngoLwesibili kulandela ukubizwa kwakhe ngamapholisa.

Unina womntwana, ulandisa ngesehlakalo sakhona.

"Sahamba eplotini kobabomncabe uMphoko and then basebi adviser ukuthi sihambise umntwana ayetshekhwa. Ubhudi wami wa actor ngeyindlela ma ngifika, wangibuza ukuthi ngubani onginike imvumo eyokuthi ngibuye endlini yakhe ngingamtshelanga. Why ngisuke eGoli ngingamtshelanga ukuthi ngiyabuya, wasesithi kimi ngiya ambusha why ngimambusha vele wayenza nje iscene yokuthi ngingacina ngisiba suspicious ngicheck umntwana ntambama ngitholukuthi ipant lomntwana ligcwele igazi and then maligcwele igazi saya eUBH ukuyachecker umntwana sathola udoctor esithi umntwana udlwengulwwe many times vele.

“Sambuza umntwana lodokotela umntwana waqala eyala wathi yena ngcono ahambe ejele umntwana so after sesiphuma ngithi hayi ngizokutshiya emapoyiseni akula problem umntwana wathi hayi mama ngcono ngikhulume sibize udokotela. Udokotela wasekhuluma wathi umalume wathi ngingakhuluma uzongibulala vele ngingakhulumi nguye ongigcinileyo ongenzela everything."

UNkosikazi Gugulethu Mphoko, ikhosikazi lika Siqokoqela Mphoko, ukhale ezimathonsi umkakhe evalelwa entolongweni.

"Kubuhlungu kakhulu ngenxa yokuthi into leyi its been proven by the medical report ukuthi akayenzanga kodwa now because they are other forces that are pushing ukuthi avalelwe. At the end of the day we have to trust ukuthi ama investigations le system above all uNkulunkulu take control ukuthi kucace ngoba clearly ama statements abhaliweyo ngumama lomntwana le medical report ngamanzi lamafutha, akuhlangani."

Amazwi kaNkosikazi Mphoko agcizelelwa nguNkosazana Snqobisile Sibanda, unina omncane kaSiqokoqela Mphoko, othi uMphoko kalacala yinzondo nje eyenzakalayo.

"Hayi indaba le isizwisa ubuhlungu kakhulu. Izwisa ubuhlungu ngoba kuyakhanya nje ukuthi yinto nje efrenyiweyo by someone olama agenders akhe that we dont know. I think umthetho kumele uthathe istep according to amaphepha, amaphepha ayazikhulumela ukuthi akulalutho olukhona. Ungakhangela imedical report ukhangele lama statements ama complainants, akuhambelani."

UMantshi uMark Dzira uthe uMphoko, ocatshangelwa ukuba wadlwengula umzukulu wakhe kathathu, ulakho ukubaleka engavunyelwa ukuhlawula isibambiso sebail njengoba wake wabaleka kodwa igqwetha lika Mphoko, uMnu.Thabekhulu Dube, uthi sephanyeka udaba lolu eHigh Court ukuyacela ukuba uMphoko aphiwe imvumo yokuhlawula isibambiso sebail.

"Umthetho is simple kumele silandele iprocedure yi third schedule offence irape so sesizamile consent. Basiyalele uconsent because of khonokhu ukuthi kuthwa wazama ukubaleka. So the only avenue esisele ukuthi si aplayele ibail from the High court. Esesikuzama yikuthi kathesi ukwenza amaphepha akhona ukuthi siyethola ibail, eHigh Court.

UMnu Siqokoqela Mphoko usevalelwe ejele yase Khami Prison njalo ukhangelelwe ukuphenduka emthethwandaba mhlaka 15 Mpandula.

Facebook Forum

XS
SM
MD
LG