Imndeni yabantu abalitshumi ethi izihlobo zayo zathathwa libutho leFifth Brigade eSilobela ngo 1985 ngesikhathi seGukurahundi isole induna yesigaba ngokuthi ithi kungakhulunywa ngaloludaba phambilini kokhetho ngoba kuzabonakala sengathi kukhulunywa ngezombusazwe. Lokhu kuphume kunanzwa ilanga lomanyano we United Nations elisola ukuthunjwa lokucatshiswa kwabantu emhabeni jikelele eleUN Internationa Day of Victims of Enforced Disappearances ngoLwesibili.
Umqondisi wenhlanganiso yeIbhetshu Likazulu uMnu. Mbuso Fuzwayo uthi bamanyane leHeal Zimbabwe Trust ukuqhuba lumbuthano endaweni ehlukileyo kuleyeminyaka yonke, ukwenqabela ukudilizwa njengenhlalayenza kwelitshe lesikhumbuzo abandise ukulibeka.
Siphinde saxoxa lezakhamizi uMnu. Nicholas Ndlangamandla, kanye loMnu. Dingilizwe Mnkandla onguye owaya enduneni abachasisa ngokwehlela izihlobo zabo. Asenelisanga ukukhuluma kenduna yesigaba ngaloludaba.
Uhulumende uthi udaba lweGukurahundu lulungiswa yikhomishini yeNational Peace and Reconciliation.
Ikhomithi yomanyano wamazwe ebona ngokuqeda inkethabetshabi eyeUN Committee on Elimination of Racial Discrimination ikhuthaze uhulumende weZimbabwe ukuthi alungisise usaba lweGukurahundi njalo abaqhuba imbuthano ngaloludaba bengahlukuluzwa.