amalinks wokungena

Breaking News

Badanile Abantu Kulandela Ukukhutshulwa Kwemali Yokugada Amabhasi Lemitshova


Inkampani yeZimbabwe United Passenger Company isikhuphule imbhadalo yokugada amabhasi. (Annahstacia Ndlovu)

BULAWAYO - lzakhamizi zakoBulawayo zidane kakhulu kulandela ukukhutshulwa kwembadalo yokugada, imitshova lamabhasi asebenza phansi kwenkampani kahulumende eyeZimbabwe United Passengers Company (Zupco).

Zithi lokhu kuzithwalisa nzima zona zivele zilezinye indleko zempilo lazo ezikhuphuka nsuku zonke.

UBulawayo ukhala ngokuthi uhulumende usesenza khonalokho ayekusola kwabezimotha lamabhasi ayevele ezisebenzela ezimele engasebenzi ephansi kweZupco.

Ilunga lenhlanganiso yezakhamizi eyeBulawayo Progressive Residents Association, uMnu Ben Moyo uthi izakhamizi sezihamba nzima.

“Uzulu usezaphilanzima kuleli ngokukhuphu kwentengo Tokugawa njalo akusaphileki ngoba sesibuyele eluhluphekeni uhulumende sefana labezimota ezizimeleyo.”

UMnu. Benon Ncube, umkhokheli wenhlanganiso yezifundi eyeZimbabwe National Students Union.

“Impilo yomfundi ezweni isizakubalukhuni njalo kuzadala ukuba abafundi becine besehluleka ukuya esikolo.”

UMnu. uMnu Thembakuye Moyo, isikhulumeli senhlanganiso emela ababalisi bemaphandleni eyeAmalagamated Rural Teachers Union of Zimbabwe, uthi iholo labo seliyaphelela endleleni.

“Iholo lethu alikhuphukanga okutsho ukuthi seliyaphelela emgwaqweni impilo iqhubeka isoma okuzakwenza ukuba abanye bethu behluleke ukuyaemsebenzini.”

Izisebenzi zeZupco lazo zikhala ezimathonsi lozulu zisithi sezilenyanga ezimbili zingaholi. UMnu. Methiseli Nyoni, osebenza eZupco, uthi sebethwele nzima.

“Sesiphilanzima ngoba seailenyanga ezimbili singaholi okutsho ukuthi imuli zethu sezihambanzima okulakho ukuphazamisa impilo ngoba asilamali.”

Olwela amalungelo oluntu, uMnu Effie Ncube, uthi leli nyathelo lizadala inhlupho kuzulu ngoba lizabangela ukuqansa kwentengo yezinye izinto.

“Uhulumende kasehlukananga ngitsho labathwala abantu bezimele njalo lokhu kukhulisa ubuyanga ezweni ngoba intengo yempahla isikhuphuka malanga onke uhulumende usencindezela abantu.”

Inkampani kahulumende eyeZupco yethule isaziso sokuthi bayakhuphula imbhadalo yokugada izimota lamabhasi athwala abantu kusukela ngoLwesine.

Facebook Forum

XS
SM
MD
LG