amalinks wokungena

Breaking News

Izizalwane Zika Mthwakazi eMelika Zikhumbula iNkosi uMzilikazi


Mzilikazi Day Commemoration

Abantu bathe gwaqa eMaryland kwele Melika okuqala umcimbi wokukhumbula iNkosi yaMaNdebele, uMzilikazi.

Inzalo yaMaNdebele labangane baka Mthwakazi abahlala ezigabeni ezitshiyeneyo zeMelika basedolobheni leUpper Marlboro owamalanga amathaathu emkhosini ogqitshwa ngeSonto, lapho okuyabe kuxoxiswana ngentuthuko yesigaba saMaNdebele, kudliwa, kusenziwa imidlalo yokuzithokozisa, njalo kufundiswana labemuli ngosiko lwaMaNdebele.

UNkosikazi Thalenta Ncube Sox, omunye wabaqondisi beMzilikazi Day Celebration uthi, “Lonyaka sihlangana eWahington DC area. Umdlalo uqala lamhlanje (ngoLwesihlanu) ilanga litshona, size sehlukane ngeSonto ilanga litshona. Okuhleliweyo yikubana namuhla ngolweSihlanu sizaqala ngokwamukela abanye bethu. Namuhla lilanga lokubingelelana lokwazana. Abahlali bendawo basilungisele ukudla, ‘potluck style’. Kusasa ngoMgqibelo sizaqala ekuseni, sitshove sizesigqibe ilanga, sihlangabeze iSonto.”

Mzilikazi Day Commemoration
Mzilikazi Day Commemoration

UNkosikazi Ncube uthi kuzabe kulembongi, abahlabeleli, ingcitshi zemigido lokunenginengi. Abanye bayabe bethengisa, abanye besetha inganekwane.

Uthe kuyabe kungasikudla, emini lantambama njengoba kuhlatshwe inkomo. Uphinde wathi sebelesikhathi bonanza imisebenzi kaMzilikazi kaMatshobana.

“IMzilikazi Day Celebration yaqaliswa liqembu labantwana baka Mthwakazi, likhokhelwe ngudade uThokozile Mkhwananzi bejonge ukuhlanganisa izizalwane zako Mthwakazi lemuli zabo, labangane laloba ngubani olesifiso sokujabulela iNkosi uMzilikazi. Ukuhalalela ilanga likaMzilikazi, yikuhalalela umdabuko wethu Ngoba kungela Mzilikazi ngabe lathi asikho.”

Facebook Forum

XS
SM
MD
LG