amalinks wokungena

Breaking News

Ibandla leCCC Linqoba Ezigabeni Ezimbili Phakathi Kwezintathu Kukhetho Lwama By-election eBulilima


UNkosikazi Makhadi Moyo webandla leCitizens Coalition for Change (Courtesy Image: CCC)

Ibandla eliphikisayo eleCitizens Coalition for Change selinqobe ezigabeni ezimbili phakathi kwezintathu ebezilokhetho lwama by-elections amakhansila eBulilima/

Ikhomishini yeZimbabwe Electoral Commission (ZEC) yethule umbiko enkundleni yeTwitter isithi kuWard 1, uMnu. Ephraim Moyo webandla leCCC uthole amavoti afika phose amakhulu amane - 385 kwathi uMnu. Kossam Phapha Ndlovu, okubandla leZanu PF wathola edlula kancane amakhulu amathathu – 315.

KuWard 16, uNkosikazi Makhadi Moyo webandla leCCC uthole amavoti alikhulu lamatshumi amathathu lanye - 131 kwathi uNkosikazi Jane Moyo, okubandla leZanu PF, uthole adlula kancane ikhulu - 118.

IZEC ibike njalo ukuba uMnu. Experience Dube, okubandla leZanu PF unqobe uMnu. Ephraim Moyo okubandla eliphikisayo eleCCC elikhokhelwa nguMnu. Nelson Chamisa, kuWard 14.

UDube uthole amavoti adlula kancane amakhulu amane lengxenye - 459 kwathi uMnu. Ephraim Moyo wathola angamakhulu amathathu lamatshumi amathathu lambili – 332.

Izigaba lezi zazibanjwe libandla leZanu PF kusukela ngomnyaka ka2018 kungakasuki ababesezikhundleni lezi.

Ibandla leCCC lethule umbiko enkundleni yeTwitter lisithi kuhle kakhulu okwenziwe ngabantu besigabeni seBulilima.

UMnu. Gift Ostallos Siziba, umsekeli wesikhulumeli sebandla leli, uthi kuhle kakhulu okwenziwe ngabantu eBulilima.

Kodwa uMnu. Believe Gaule, okubandla leZanu PF, uthi uwayi udobhe ingqongqo.

Facebook Forum

XS
SM
MD
LG