Inhlanganiso ekhuthaza ukhetho olukhululekileyo, eye ZESN, ebikhona eBulililama ngempelaSonto ithi ikhathazwa linani labantu abanengi abablisa amatishala lama nurse abavotelweyo ngoba besithi abazi ukufaka uxa ephepheni lokuvota.
Amalunga ebandla le CCC amabili anqobe kulolukhetho.
IZesn ithi kulabantu abedlula amatshumi ayisithupha, 63 abavotisiweyo.
Linhlanganiso ithi njalo kulabantu abedlula amatshumi amhlanu, 52, abaxotshiweyo kukhetho ngoba amabizo abo engekho kuma ward lapho kade befuna ukuvotela khona.
Inani labantu abavotileyo kulolukhetho liphansi kakhulu.
Phakathi kwabantu abazinkulungwane ezintathu, 3 440 kuvote abayinkulungwane eyodwa, 1 811 kuphela.
Ke sizwe amazwi kamsekeli webandla le cc, uMnu. Felix Magalela Mafa Sibanda.
Abanye bathi ukunqoba kwebandla le CCC eBulilima lapho obekusazakala njengensika yebandla le Zanu PF kuminyaka edluleyo ngoba belingelihlala linqoba kulolukhetho kupha lelibandla ithemba ngemva kokunqotshwa kwalo kukhetho lokudinga ilunga ledale lephalamende eGokwe ngeviki edluleyo.
Ukuhlaziya loludaba sixoxe lohlaziya ezombusazwe, uMnu. Effie Dlela Ncube.