amalinks wokungena

Breaking News

Kubotshwa Amalunga eMRP Phandle Komthethwandaba koBulawayo


Arrested members of Mthwakazi republic Party at Bulawayo Central Prison

Amapholisa namuhla abophe amalunga ebandla leMthwakazi Republic Party (MRP) ababili. Okugoqela umntwana obehamba lonina, phandle komthethwandaba weHigh Court koBulawayo ngemva kokuba amapholisa ebavimbile ukuba bayephanyeka incwadi ejulileyo esola ukuhanjiswa kwamalunga abo ayisificaminwe mibili ejele yeChikurubi Maximum Prison omunye eGwanda Prison, besuswa eKhami Maximum Prison.

Isikhulumi samapholisa koBulawayo, uInspector Paul Nyathi, utshele intathelizindaba ukuba ubengakalitholi ewofisini yakhe umbiko wamacala etheswa amalunga ebandla leMRP.

Ukubotshwa kuka Lwazi Bhengeza Khanye loSindiso Moyo lengane yakhe kusolwe ngabantu abanengi koBulawayo abathi sebebanengi kakhulu abezombusazwe ababotshelwa okungaqadakaliyo elizweni lonke jikelele nguhulumende kaMongameli Emmerson Mnangagwa.

UMnu. Mudenda Chilumbo, umgcinisihlalo wabatsha kubandla leMRP, uthi kuzabalesiphetho esibi uma uMnangagwa eqhubekela phambili ebopha amalunga ebandla leli.

UMnu. Marshal Sibanda, isakhamuzi sakoBulawayo, laye uyakusola okwenziwa nguhulumende kaMnangagwa.

Esinye isakhamuzi sakoBulawayo eMzilikazi, uNkosazana Nokuthula Masuku, uthi kuyadanisa ukubona omama labantwana bebotshelwa ezombusazwe.

Isikhulumi seCitizens Coalition for Change koBulawayo, uMnu. Swithern Chirowodza, uthi ukubotshwa kwamalunga ebandla leMRP yikuphanjaniswa kokusetshwnziswa komthetho nguhulumende.

Ababotshiweyo, abetheswa amacala okutshotshozela udlakela, okwamanje basezandleni zamapholisa eBulawayo Central Police Station.

Ngeviki ephelileyo, ibandla leMRP liphe iZimbabwe Prison Services amalanga amane ukuba baphendukise amalunga abo koBulawayo. Bathi kunzima ubethekelela entilongweni.

Facebook Forum

XS
SM
MD
LG