Inhlanganiso ezibiza ngokuthi yiZimbabwe Diaspora Voices ekweleMelika ithi amalungiselelo abo okutshengisela phambili kweUnited Nations General Assembly, eNew York City kyonale inyanga kaMpandula, asefika emaphethelweni.
Ithi lokhu kutshengisela, abakwenza mnyaka wonke, yindlela yokutshela omongameli bamazwe atshiyeneyo emhlabeni wonke jikelele ngobunzima obuthwelwe nguzulu weleZimbabwe.
Ithi lobubunzima bubangelwa yinkohlakalo esigcwele elizweni lonke, njalo isibangela lobuyanga ebantwini bakwele Zimbabwe.
Sizweni igxoxo kaMnu. Tamburai Gwekwerere omunye wamalunga ebandla eliphikisayo eleCitizens Coalition for Change kweleMelika, njalo esebenza lenhlanganiso yeZimbabwe Diaspora Voices oxoxe leStudio 7.
Kunjalo nje, untombazana owethesa uMongameli Emmerson Mnangagwa icala lokuthi wamdlwengula esaleminyika yokuzalwa elitshumi lanhlanu, uSusan Mutami ubikwa ezakuba ekhona emhlanganweni we United Nations lapho azakwethulela omunye wemihlangano ye United Nations athi yikho okwamehlelayo.
UMutami uthi ungxuswe ukuyaphawulela athi yibudlova bukaMongameli Mnangagwa ugatsha lwe United Nations olubona ngezabantwana labesifazane.
