amalinks wokungena

Breaking News

UChamisa Uthi iSADC Kumele Ingenele eZimbabwe Ukuze Kuqhutshwe Ukhetho Olukhululekileyo


UMnu Nelson Chamisa

WASHINGTON - UMnu. Nelson Chamisa, umkhokheli webandla leCitizens Coalition for Change, uthi kumele inhlanganiso yeSouthern African Development Community (SADC) ingenele kwezokhetho eZimbabwe ukuze kube lohulumende kazulu. UChamisa wethule lokhu encwadini ayilobele imisakazo lamaphephandaba kulandela ukukhahlanyezwa kwesigulane esasilaliswe esibhedlela seBela Bela kwele South Africa nguDokotela Phophi Ramathuba, isiphathamandla sezempilakahle eLimpopo.

UChamisa uthi lokhu kuveza ukuba eleZimbabwe alilankokheli ngoba labo abaphethe intambo zikahulumende benza ubukhohlakali obumangalisayo.

Uthi ukuze kuvinjwe ukuhlupheka kukazulu, kumele kwenziwe ukhetho olukhululekileyo.

UMongameli Cyril Ramaphosa usanda kwethula umbiko othi kumele iSADC ihlolisise udaba lweziphepheli labanye ababaleka emazweni abo besiyahlala kwele South Africa lapho asebekhala khona ngokuminyana lokusetshenziswa kwemith eminengi emakilinika lezibhedlela ngabadabuka kwele South Africa labantu bokuza.

UMnu. Ostallos Siziba, umsekeli wesikhulumeli sebandla leCCC, uthi bafisa ukuba iSADC ingenele kudaba lolu ukwenzela ukuba kwenziwe ukhetho olukhululekileyo eZimbabwe ngomnyaka ozayo.

UMnu. Tafadzwa Mugwadi, obona ngokwethulwe kwemibiko kubandla leZanu PF, uthi abalasikhathi sokukhuluma ngodaba lolu ngoba babambekile ngokuqhuba inhlelo zikahulumende.

Facebook Forum

XS
SM
MD
LG