amalinks wokungena

Breaking News

Asekuzinga Eliphezulu Amalungiselelo Okungcwaba Indlovukazi uQueen Elizabeth


Bathwele isidumbu sendlovukazi uQueen Elizabeth II

Asekuzinga eliphezulu amalungiselelo omngcwabo wendlovukazi yakwele Bhilithane, uQueen Elizabeth, obhubhe ngeviki ephelileyo eScotland.

Isidumbu sakhe sithwalwe ngeSonto emigwaqweni elizweni lele kuvaleliswa uzulu.

Kukhangelelwe ukuba ngoMvulo isidumbu sendlovukazi sizathwalelwe eLondon.

Abezindaba abeReuters babika ukuba indlovukazi izangcwatshwa emathuneni omdeni wakhe mhlaka 19 Mpandula.

UNkosazana Sheilla Sibanda, ohlala kwele Bhilithane, uthi kuqakathekile ukuvalelisa indlovukazi ngoba ubegcine abantu abanengi abadabuka eZimbabwe ababaleka elizweni labo ngenxa yesimo esibi somnotho lezombusazwe.

Kodwa kulabanye abantu abathi indlovukazi kayisebenzanga kahle ngoba yekela owayengumongameli uRobert Mugabe labanye bakhe belulala abantu abafika inkulungwane ezingamatshumi amabili eMatabeleland leNkabazwe.

UNkosazana Charmaine Ndlovu ngomunye wabatshaya phansi ngenduku besithi abasoze bekhalele umdeni wendlovukazi.

Facebook Forum

XS
SM
MD
LG