amalinks wokungena

Breaking News

Ibandla le CCC Lithi Umkhokheli Walo, uMnu. Nelson Chamisa Usinde Engozini Yokuphoselwa Igrenade Izolo eChinhoyi


Umkhokheli webandla weCCC uMnu Nelson Chamisa. (Umfanekiso: VOA/Frank Chikowore)

UMahere uthi iqula lalelibandla elalizolungiselela umhlangano lo lahlaselwa ngamabhomba epetula enkundleni eyenzelwe lumhlangano ngobusuku kuzavuka kuqutshwa lumhlangano.

Ibandla le CCC lithi umkhokheli walo, uMnu. Nelson Chamisa usinde engozini yokuphoselwa igrenade izolo eChinhoyi.

Ibandla leli belilomhlangano elithi ngowokubonga uzulu we Chinhoyi ngokuvotela amalunga alelibandla kukhetho lwama by elections.

Isikhulumeli salelibandla, uNkosazana Fadzayi Mahere uthi umuntu obesemoteni elenombolo zama number plates ezithi 1651, uphose lelibhomba ejonge ukubulala uChamisa ngoba leli gulunede beliqonda imota yakhe kodwa ngokutholakala kwenhlanhla akulamuntu olimeleyo.

Abalandeli balelibandla bake babuthanisa imali yokumthengela imota engangeni hlamvu lombhobho njalo elakho ukumvikela engozini enjengale kodwa akwazakali ukuthi izathengwa nini.

UMahere uthi iqula lalelibandla elalizolungiselela umhlangano lo lahlaselwa ngamabhomba epetula enkundleni eyenzelwe lumhlangano ngobusuku kuzavuka kuqutshwa lumhlangano.

Sixoxe lomsekeli wesikhulumeli salelibandla, uMnu. Gift Ostallos Siziba.

Umnu. Gift Ostallos Siziba ngumsekeli wesikhulumeli sebandla le CCC.

Imizamo yokukhuluma lamapholisa yehlule.

Silokhu sikuloludaba, intathelizindaba yephephandaba lobulembu ele NewsHawk, uRuvimbo Muchenje ubikwa ehlukuluzwe wahudulwa ngenwele zakhe ngomnuye wabontanga be CC.

UMuchenje uthi ubesemsebenzini ezithathela imifanekiso duku duku wahlaselwa ngosakhulayo lo wamenza isihluku.

Kodwa isikhulumeli sebandla le CCC, uFadzayi Mahere uthi bakhulume lo Muchenje baxolisa.

UMahere uthi bayasisola lesisehlakalo njalo balethemba lokuthi asisoze siphindwe ngoba intathelizindaba kumele zisebenze zikhululekile.

Facebook Forum

XS
SM
MD
LG