Inkosi yakwele Bhilithane, uCharles III, ngoMvulo ukhulumisane lamalunga wonke edale Lephalamende ngesikhathi isidumbu sendlovukazi sibhodiswa emphakathini.
Abezindaba abeAssocited Press bathi leli lisiko labamhlophe kwele Bhilithane elenziwa kungatshona inkosi kumbe indlovukazi.
Okwamanje isidumbu sendlovukazi siphunyuzwe eSt. Giles’ Cathedral eScotland kulandela ukususwa kwaso eBalmoral Castle izolo lapho aphelele khona.
NgoLwesibili, isidumbu sendlovukazi sizathwalelwa eBuckingham Palace esililweni esizakhokhelwa yiNkosi uCharles III.
Sizahanjiswa eWestminister Hall lapho esizabekwa khona okwensuku ezine njalo okuzavunyelwa ukuba sibonwe nguzulu. Indlovukazi izangcwatshwa mhlaka 19 Mpandula.
Kukhangelelwe ukuba uMongameli Joseph Biden lenkokheli yakwamanye amazwe izakuthi gwaqa endaweni lapho okuzangcwatshwa khona indlovukazi.
UMnu. Mqondobanzi Nduna Magonya, ingcwethi kwezamasiko lezombusazwe, uthi okwenzakale khonamanje kwele Bhilithane kuveza usiko lwabo.