IBulawayo City Council isisungule umkhankaso wokuhlanza idolobho isebenzelana lezinye inhlanganiso.
lkhansili iqale lumsebenzi lapho okuhlangana umgwaqo uJason Moyo Street lo Fife Avenue, bekhangelele ukuthanyela indawo eziyisikhombisa edolobheni.
Ikhansili ikhala ngokuthi imota zokuthwala izibi ziyasilela yikho osokubangela ukungathwalwa kwezibi ngesikathi.
Umkhankaso lo uqhutshwa yiBulawayo City Council kanye lenhlanganiso ezigoqela iEnvironmental Management Agency, Bulawayo Upcoming Traders Association, kanye leBulawayo Vendors and Traders Association, ujonge ukususa ingcekeza esingamaqubaquba ezitaladeni lemikotweni edolobheni leli. Ikhansili ikhuthazwe ukuthi ikhangele indawo ezingamatshumi amathathu lanhlanu (35) eziyizo ezingcoliswa kakhulu.
Umphathintambo wesabelo sako Bulawayo, uNkosikazi Judith Ncube, uthi ukwanda kwabantu edolobheni yikho okunye osekubangela ukuthi ingcekeza igcwale ndawana yonke.
"Khathesi ngenxa yokuthi sekusemahlangeni abantu bayahlala noma ngaphi yikho sekuledoti enje so, bengalandela njengokuhlela Iplan yakhona kuneat. Kulabanye abangela ndaba ledoti lalapha ahlezi khona ufice kungcolile. Ngifisa ukuthi lowu lalowu othengisayo azinanzelele apratice isense cleaning nxa kungenjalo kuzasibizela imikhuhlane."
UMnu. Charles Malaba, umqondisi wezempilakahle ekhansilini yakoBulawayo, uthi, "Sinanzelele ukuthi idolobho selingcole kakhulu ama-streets awasahambeki sokungcole kakhulu sokunuka kakhulu,siyehluleka ukuthi si collect izibi on a daily basis ichallenge yikuthi izimota azeneli njalo labantu sebebanengi kakhulu edolobheni kucontributer ukungcola kwedolobho lobutshapha sebubunengi lemkhuhlane isingacina iqhamuka sasesisithi ngangcono senze ispring cleaning kusukela mhlaka 12 to 16."
UNkosikazi Nonhlanhla Hlabangana/ isikhulumeli senhlanganiso yabaphila ngokuthengisa, eyeBulawayo Upcoming Traders Association, ukhonona ngezibi ezingabuthwa ngesikhathi, okuyikho osokudala ukuba kukhanye engani bona yibo abangcolisa idolobho.
Umsekeli kameya njalo engukhansila kaWard 1, uMnu. Malandu Ncube, uthi kuyinto enhle ukuthi abantu bazinikele ngokwabo ukulondoloza idolobho labo lihlanzekile.
“Lokhu esikubona lapha kuyasithokozisa nxa sibona abantu bebuya sizodobha izibi ,udaba kuyikhukhipha unqondo ye attitude towards ilitre. Siyathemba kuzakhuthaza abantu bonke ngoba la ohamba khona kufuze kufane lasendlini yakho nxa ulobutshapha ngakwakho hlala labo ungabulethi phandle.”