Ibandla leCitizens Coalition for Change lithi kufanele usuku lokunanza owayeyinkosi yamaNdebele uMzilikazi, luhlonitshwe yilizwe lonke lube yi national holiday njalo ubukhosi bakoMthwakazi buvuselelwe.
Abalwela ilungelo loluntu, abantu makhaza, kanye labezombusazwe sebagcizelela eminyakeni edluleyo ukuthi ngempela kufanele inyathelo leli lithathwe.
Kuqhutshwe umcimbi ngoMgqibelo koBulawayo, owokunanza inkosi uMzilikazi lapho abantu abakade bethe kwaqa bevunule okwesintu, besina, njalo besidla bejabula bendawonye.
Kodwa umongameli Emmerson Mnangagwa wathi akusoze kube lenkosi ngoba eleZimbabwe yiRepublic, ngakho kungaba lezinduna kuphela.
Kodwa isiphathamandla sebandla leCCC uMnu. Felix Magalela Mafa uthi ngesiko lesiNdebele induna zisebenza ndawonye lenkosi ngakho kufanele uhulumende ananze amasiko ehlukeneyo okuyikho okumunyethwe kugwalo lwesisekelo sombuso.