amalinks wokungena

Breaking News

Inhloko ZeNdaba Mhlaka 14 Mpandula 2022


Inhloko ZeNdaba

Washington DC..........

*** Izifundi zekolitshini leUniversity of Zimbabwe, zithi zizaqhubeka zitshengisela zikhonona ngokukhwezwa kwendleko zesikolo. Lezi zifundi zithi njalo zizakuya kwethulela idale lephalamende incwadi yezikhalazo yokusola inyathelo lokukhuphula imbadalo yezifundo.

*** UMongameli Emerson Mnangagwa ubekweleKenya namuhla emkhosini wokufungiswa kukaMongameli walelolizwe omutsha uMnu William Ruto, yena onqobe uMnu Raila Odinga kukhetho olusanda kwedlula.

*** lqula lamakhosikazi ayizizalwane zeZimbabwe asebenza kweleSouth Africa abazibiza ngokuthi yiZim Mbokodo banikeze isipho semvunulo yabesifazana nxa besesikhathini lesepa kumantombazana afunda eMzinyathini High School esiqintini seMzingwane ezansi yeMatabeleland.

*** Noma nje eminye imigoqo eyafakwa kuyindlela yokulwisana lomkhuhlane weCovid-19 seyasuswa, abanye abaphila ngokuthengisa imphahla emazweni afana leBotswana leSouth Africa, bathi imthetho kahulumende weZimbabwe ilokhe isenza kube nzima ukuthi baqhube ibhizimusi.

*** Amalungiselelo omngcwabo weNlovukazi uQueen Elizabeth ll, wakweleNgilande aqhubekela phambili, isidumbu sakhe sisiwa emadolobheni ehlukeneyo ukunika ithuba abantu lokuvalelisana laye.

***KuLivetalk namhlanje, kuhlelo ‘The Connection’ sixoxa labasakhulayo ngokukhwezwa kwembadalo yezifundo emakolitshini amaUniversity okwenze ezinye izifundi zibotshwe ebezitshengisela zisola lokhu kukhuphulwa kwembadalo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG