Uhulumende weleMelika usefake umholi wamapholisa eZimbabwe, umsekeli kaskomitshi wenhlelo zamapholisa, uMnu. Steven Mutamba, kuluhlu lwabakuzijeziso zenotho, kwasusa amagama abantu abalitshumi lane, 11, kuluhlu lolu.
Amagama asusiweyo ngawabalandelayo, inengi lingesela bhubhayo; u Kenneth Kanyonda, Simon Khaya Moyo, Perence Shiri, Absolom Sikhosana, Joel Biggie Batiza, Paradzai Zimondi, Morris Sakabuya, Edwin Muguti, Selina Pote, Olivia Nyembedzi Muchena lo Tendai Savanhu.
Umbiko lo uthi abanye abasuswe kuluhlu lolu ngabangasekho ezikhundleni ezingenza ukuthi bancindezele ilungelo lika zulu.
EleMelika lithi uMutamba wahlukuluza uzulu kusukela ngomnyaka ka 2020 ejezisa abamabandla aphikisayo kusetshenziswa imithetho ye covid19 najalo nyakenye wathi abavela kwamanye amazwe bengazavunyelwa ukuzohlola ukhetho oluzayo.
Ukuhlaziya loludaba sixoxe lengcwethi ecubungula ezombusazwe, uMnu. Effie Dlela Ncube.
