amalinks wokungena

Breaking News

UDaniel Molokele Webandla leCCC Uthi Abadabuka eChina Bagebha Amalahle Emangcwabeni Abokhokho


Daniel Molokele

UMnu. Daniel Molokele, ilunga ledale lephalamende elikubandla eliphikisayo eleCitizens Coalition for Change, uthi abadabuka kwele China abemba okutshiyeneyo eZimbabwe benza okungekho emthethweni.

Uthi bemba amalahle endaweni okufuywa inyamazana zasendle, basusa abantu emizini yabo ngenkani njalo ababhadali izisebenzi iholo elisemthethweni.

UMolokele uthi bakhahlameza izakhamizi eDinde lapho abaphanda khona amalahle emathuneni abokhokho babo.

Uthi uzasebenza labanye bakhe abakunhlanganiso ye-Interparliamentary Alliance on China ekuzameni ukulungisa konke okubi okwenziwa ngabadabuka kwele China abemba okutshiyeneyo emhlabeni wonke jikelele.

Asenelisanga ukukhuluma labasesigodlweni sakwele China eZimbabwe ngoba bebengaphenduli omakhalekhukhwini.

UMolokele, onxuswe ngabakuhlanganiso ye-International Republican Institute kwele Melika, uthi abasafunakali abantu bakwele China abalamabhizimusi eZimbabwe.

Uthi okwenzakala kwele Zambia kumele kwenziwe eZimbabwe kulandela ukhetho oluzakwenziwa ngomnyaka ozayo.

Uhulumende omutsha wakwele Zambia uhlolisisa amabhizimusi wonke akwele China ukuze kulungiswe okwenziwa nguhulumende ophume embusweni ngomnyaka ophelileyo.

Facebook Forum

XS
SM
MD
LG